WÜHKHE 18:2 - AMÜSÜH HÜM CL Bible (BSI)

² Kheaküshe nü lung nü keoniorü Levirübo, nü buhtsüh chingnü bebah arang, junangde nü tüsho nü tsührübo tangzüng arüngyam ching tankihchoki arübo nüsa lung bebah.

WÜHKHE 18:2 Iomraidhean Croise

THRÜNTAN 29:34

Kheaküshe alibe mübünkeangde kambah tsührü khülang zübe, tüsho tha, “Kheakü ha kim ching I niubuhnü I kheak dakkihbah, tümütüsho inü api kilim tsührü 3 zübejihdo.” Jumonü api mung Levi de ji.

2 KIUTHSÜYUKHEAN 30:16

Thrünpuh mihtsürü Mosa yakzan yande arünü nihbuh zhippung müküh-a lu; Levirübo khah chingnü aleangkhikhi thiyih ju amükeamrübonü takabah.

EZEKIEL 44:11

Arünü arüngyam chipiripit neakde I arüngyam ching tankihpü kuklah; arünü taka kingaünbe tüsho mihtsürübo thsungkheak laksah-a kingaünbebo laksahpü mihtsürübo miki zhippü tüsho arü tankihpü kuklah.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

MALAKI 2:4

Jumonü I tangzüngkhi Levi kheak mutuklode alapü ha yukhüm nüsa kilim arüshihdo de mükheahang, Wuto Atungpuhnü thachoh.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 16:40

tüsho ju Israel tsührübo thsungkheaknü mümih-mütsan thsü, junangde api ki Atungpuhnü Mosa hode alokhikhi nangde Aron tsührübo khah hobah püpürü shenü she Atungpuh miki arhümthüneabe jihpü marü, jude yungsho api ju Kora tüsho api jingyanrübo ruk kambah.

WÜHKHE 17:7

Tüsho Mosanü tsobo ju tangzüng khimyam ching Atungpuh miki zo.

WÜHKHE 18:4

Arübonü arüngyam alala ching tankihpü tüsho arüngyam rhimo alala thsungkheak nü lung bebah; tüshe püpürü a nü thüninde marü.

WÜHKHE 3:5

Tüsho Atungpuhnü Mosa ki tha:

WÜHKHE 4:15

Tüshe küyimki Aron le atsührübonü kingaün sadam tüsho zowupungbo ju aphudokhambanü, arü binkheampung akhinchoki, Kohath tsührübonü arübah jurübo hanbah, tüshe arübonü amüsüh kukrukbo muqiu, jude yungsho arübo ashebah. Harü kukrukbo ha ashorupung khimyam ching yo Kohath tsührübonü ahanbebo ah.

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.

WÜHKHE 8:22

Ju dunglim Levirübonü ashorupung khimyam ching rhimopü Aron tüsho atsührübo miki yü; Atungpuhnü Mosa ki Levirübo dünkheak thiyukhüm jihkhi nangde mihtsürübonü arübo ki ju ruk rhimo.

IBRI 9:6

Küyimki harü tsanglungkhi banbanü, amükeamrübonü arü tankih rhimopü mutuklode aleangbe khiungshak ching yüzah;