WÜHKHE 18:19 - AMÜSÜH HÜM CL Bible (BSI)

¹⁹ Amüsüh kukrukbo Israel mihtsürübonü Atungpuh kilim arung kingaün jihkhibo lünnü rhimode ayüpü yakzan thsüde inü nü tüsho nü tsührübo le tsührübebo kilim jihdo; ha Atungpuh miki lünnü müthsümünimde alapü nü tüsho nü tsührü tsührübo kilim tangzüngkhi lah.

WÜHKHE 18:19 Iomraidhean Croise

2 KIULONG THSÜRÜ 12:16

Amülim kingaünkhi sho tüsho neak kingaünkhi sho chingnü Atungpuh yam ching lude marüde alakheah; ju amükeamrübo yo.

2 KIUTHSÜYUKHEAN 13:5

Atungpuh Israel Thrünpuhnü David tüsho api tsührübo kilim lünnü Israel kurungkheak kiulongthsüshihpü müthsümünimbe tangzüng khülang hode ajihkhi nüsanü mümükheah de?

2 KIUTHSÜYUKHEAN 31:4

Amükeamrü tüsho Levirü kilim jihpü shihcham jihshihpü apinü Jirusalem ching larü mihtsürübo ki thiyukhüm jih, junangde arünü Atungpuh yakzan ching mulong jihkhukpü lakheah.

ABEKHIT 29:27

Atsangkhitpü-rhimo namfimihnupung Aron tüsho atsührübo yo müsühkhitang: müleamde kingaünkhi akhüh tüsho handarü ajihkhi apho.

EZEKIEL 43:24

Nünü jurü Atungpuh miki jihbah, tüsho amükeamrübonü jurü kheak thimi sukbah tüsho Atungpuh kilim taka kingaünbah.

LEVI 2:13

Hi kingaün aban ching thimi yukang, tümüde thiminü nüsa le Thrünpuh dükeak tangzüng zokhi huhchoh; nüsanü nüsa kingaün alala ching thimi yukang.

LEVI 21:22

Apinü api Thrünpuh tsühyungpü khide amüsüh tüsho amüsüh ane chido tsühpü kuklah,

LEVI 7:14

Apinü yikhap mungji aban chingnü khülang khülang thrükhita Atungpuh kilim arung nangde ajihbeah; hoju shih thiyih lubah kingaün mühide buka bahbuh amükeambuh yo thsübah.

WÜHKHE 18:11

Ha she nüsa yo ah: arünü arung kingaünkhi thsambah, ju lung Israel mihtsürübonü müleamde kingaünkhibo, jurübo inü nü tüsho nü tsührü tüsho tsührübo kilim lünnü rhimode ayüshihpü thsüde yakzan jihdo. Nüsa yamkhün ching müsühde alarü abannü ju tsühpü kuklah.

WÜHKHE 18:8

Tüsho Atungpuhnü Aron ki tha, Ha ching, Israel mihtsürübonü amüsüh arung kingaün jihkhibo inü nü kilim jihdo; inü harübo nü tüsho nü tsührübo shihcham thsüde lünnü rhimode ayüshihpü yakzan jihdo.

WÜHKHE 31:29

ju lubahle Atungpuh kilim kingaün nangde amükeambuh Eleazar kilim jihang.

WÜHKHE 31:41

Atungpuhnü thiyukhüm jihkhi nangde Mosanü ruk ju Atungpuh shihcham thsüde amükeambuh Eleazar kilim jih.

YUZÜNGTHALO 12:26

Nü yo amüsüh kukrukbo, tüsho thiyuchihchimkhi kingaünbo nünü lubah Atungpuhnü amokhitkhi dangpung ching yüang.

YUZÜNGTHALO 12:6

Ju ching nüsanü taka kingaünbe, shuhmülanga kingaünbe, thürü shihchambo, büthsüde kingaünbe, thiyuchihchimkhi kingaün, amulongkhi kingaün tüsho moshi le mihnu bolungnü akhuh adrekhibo hanbah arang;