WÜHKHE 18:12 - AMÜSÜH HÜM CL Bible (BSI)

¹² Müdangke bolung atsüdakbe, yukhu aso tüsho ke bolung atsüdakbe arübonü sangaso Atungpuh kilim jihkhibo inü nü kilim jihdo.

WÜHKHE 18:12 Iomraidhean Croise

THRÜNTAN 27:28

Jumonü Thrünpuhnü nü kilim thüning ayinke, alo müdang, tüsho suhdahkhi hi tüsho yukhu jihshang.

2 KIULONG THSÜRÜ 4:42

Mihtsürü khülang akhuh asokhi sangasobo lubah Baal-shalisha chingnü Thrünpuh mihtsürü kilim arü: barli yikhap 20 tüsho anihbuh shungliu qiuqiu ching aso yimlukhi hi ye. Elishanü tha, “Ju mihtsürübo kilim jihang tüsho arübo tsühshang.”

2 KIUTHSÜYUKHEAN 31:5

Thiyukhüm jihkhi yanalünde, Israel mihtsürünü akhuh asokhi hi, yukhu, müdangke, mukhuke, tüsho thulu chingnü akhiukkhi alala suhdahde jih; tüsho mungjithürü yo shihcham suhdahde lubah yüzah.

MUNGSHIKHÜN 147:14

Apinü nüsa aredungyeanbo ching mungtsü thsüchoh, tüsho wheat hi atsüdaknü nüsa reangkeamshihchoh.

MUNGSHIKHÜN 81:16

Inü nüsa a wheat hi atsüdaknü amütrübah, tüsho lungto ching yo mukhukenü nüsa reangkeamshihbah.

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 34:26

Nüsa lo chingnü akhiukkhi akhuh asokhi sangaso atsüdakbe Atungpuh nüsa Thrünpuh yam ching hande arang. Mihnu nunu abe niuhke ching dükhiung.”

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

LEVI 2:12

Nüsanü akhuhde yimlukhi Atungpuh kilim kingaün jihbah, tüshe kingaünpung kheak arhümthüneashihde mütak.

LEVI 2:14

Küyimki nüsanü akhuh yimlukhi hi Atungpuh kilim kingaün handarübanü, angukhi yungsho achukhi jihang.

LEVI 23:17

Nüsanü nüsa lapung chingnü ayikangkang khahngak 2nü anungkhi yikhap mahne müleamde ajihpü lubah arang; jurübo ju atsüdak ayikangkang, phaüm yukbah anungkhi, Atungpuh kilim akhuhbe sangaso thsübah.

LEVI 23:20

Amükeambuhnü akhuhbe sangaso ju namfimihnu mahne lung Atungpuh miki müleamde kingaünbah; jurübo amükeambuh thsungkheaknü Atungpuh miki amüsüh labah.

YUZÜNGTHALO 18:3

“Tüsho mihtsürübonü moshipung yungsho namfimihnu kingaünchoki amükeamrü kilim ha jihbeah: arünü amükeambuh kilim adubuh, shihnupung tüsho bukning jihbah.

YUZÜNGTHALO 18:4

Nüsanü hi akhuh asokhi yukhu aso, oliv müdangke tüsho namfimihnu nam akhuh rukkhi api kilim jihang.

YUZÜNGTHALO 26:2

nünü alo chingnü akhuh akhiukkhi luang, ju Atungpuh nüsa Thrünpuhnü nüsa kilim jihkhi lo chingnü hande arang, tüsho ju muluk ching yukbahle Atungpuh nüsa Thrünpuhnü api mung zopü mokhitkhi dangpung ching nahde yüang.

YUZÜNGTHALO 32:14

Moshi chingnü niuhke kingkungkhi tüsho mihnu chingnü niuhke, namfimihnunu tüsho namfimihnupung müdang bede, Bashan namfimihnupung amokhitkhi, atsüdak wheat hi tüsho amokhitkhi yukhu nünü yung. @SP ACE=