WÜHKHE 18:1 - AMÜSÜH HÜM CL Bible (BSI)

¹ Atungpuhnü Aron ki tha, “Nü, nü tsührübo tüsho nüsa buhtsührünü arüngyam azhihdewusukhi zhipdode hahmülang lubah, tüshe nü le nü tsührübonü lang amükeamrü azhihde-wusukhi hahmülang lubah.

WÜHKHE 18:1 Iomraidhean Croise

ABEKHIT 28:38

Ha Aron kingkang kheak labah, tüsho Israelrünü müsühkhitde ajihkhi amüsüh thsambahbo ching mülimkhi apinü ahanbah. Ju Aron kingkang kheak mutuklode alabah, junangde arübo ju Atungpuh ki aleangkhikhukbe labah.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

EZEKIEL 4:4

Jushu nünü huzulim peang yapang tüsho Israel yamkhün neak ju kheak zobah. Nü ju ching yapkhi nimung khekhi yande arü neak hanbah.

LEVI 10:17

“Tümüde nüsanü neak kingaünkhi amüsüh dangpung chingnü mütsühkhea? Tümüde ha khide amüsüh, tüsho boto neak dünthsükhishihpü thsüde Atungpuhnü nüsa kilim jihkheah.

LEVI 22:16

yungsho arü ki thiyukhüm jihbahle amüsüh kingaünkhi tsühkhi hode arübo kheak amülim akihbah; tümüde I Atungpuhnü jurü mümüsühkhit.

LEVI 22:9

Amükeamrü alalanü inü ajihkhi yuzüngbo anibah. Jude müthsüsho arübonü ju müneankhinü neak yihbeakbah tüsho ashebah: I Atungpuhnü arü müsühkhit.

WÜHKHE 14:34

Nüsanü lomi zütakheahkhi nimung yirü yande nimung khülang dün kam khülang ju kam yirü, nüsa münean hanbah, tüsho inü abahyukkhi nüsanü amükheahbah.

WÜHKHE 16:10

Tüsho apinü nü tüsho nü keoniorü Levirübo api phünide bedarüdo, tüshe kheakü nünü amükeamrü shihcham she yimchoh!

WÜHKHE 17:13

Shepünü Atungpuh yam ki lang she phünide arübanü ashebah. Isa alala asheba de?”

WÜHKHE 17:3

Tüsho nünü Aron mung Levi tso kheak thrütkihang. Tümüde buhtsüh ching azothsürü abande tso khülang khülang labah.

WÜHKHE 17:7

Tüsho Mosanü tsobo ju tangzüng khimyam ching Atungpuh miki zo.

WÜHKHE 18:11

Ha she nüsa yo ah: arünü arung kingaünkhi thsambah, ju lung Israel mihtsürübonü müleamde kingaünkhibo, jurübo inü nü tüsho nü tsührü tüsho tsührübo kilim lünnü rhimode ayüshihpü thsüde yakzan jihdo. Nüsa yamkhün ching müsühde alarü abannü ju tsühpü kuklah.

WÜHKHE 3:6

Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

MAHKHAPRÜ 17:12

Jumonü Mikanü Levibuh tsangkhit, tüsho api ju anihbuh yo amükeamrü kamshih, tüsho Mika yam ching la.