WÜHKHE 17:5 - AMÜSÜH HÜM CL Bible (BSI)

⁵ Tüsho mihtsürü shepü tso inü mokhitbanü apungbah; junangde Israel mihtsürübonü nü azhihde dapdapkhi ju inü atukloshihbah.”

WÜHKHE 17:5 Iomraidhean Croise

2 KIUTHSÜYUKHEAN 26:16

Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

EZRA 2:62

Arübo jipürü wühkhe ching thrütyukkhi müngükhinü amükeam trük ah de thiyumütsan müjihkhuk, jumonü arübo mümüsühde amükeamrü trük lungnü khekhita bah;

MUNGSHIKHÜN 105:26

Apinü ayamlarü Mosa tüsho apinü mokhitkhi Aron thiyi.

ABEKHIT 16:7

tüsho yapsu nüsanü Atungpuh müretahkhi ngübah, tümütüsho Atungpuh azhihde nüsanü dapdapneangneangkhi apinü sodo. Ike tümü ah de nüsanü ike azhihde dapdapneangneangcho?”

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 27:6

Arübe nimung ching Jakobnü aying chinbah, Israelnü adübit chinde abün pungbah tüsho alomiküp athrünkhi sangasonü amibah.

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

EZEKIEL 16:41

Arünü nü yambo takkheambah tüsho aliberübo mikinü nü thsümüchibah. Inü nü müzammüram tukloshihbah, tüsho kheaküa nünü nü muzhorü ki müjihchung.

EZEKIEL 23:27

Jumonü nünü Ijip lomi chingnü handarükhi nü makhamaleak rhimobo tüsho müzammüram kheamshihbah; nünü arü mümürheang, yungsho kheaküa Ijip mülümkhit.

HOSEA 14:5

I ju Israel ki ayinke nangde alabah; api thrilung sangbün nangde abungbah, Lebanon murungbo nangde api aying chinyukbah.

WÜHKHE 1:51

Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 16:11

Jumonü nü tüsho nü jingyanrü alala thsürubah Atungpuh azhihchoh, tüsho Aron ju tümü ah de nüsanü api azhihde dapdapcho?”

WÜHKHE 16:5

tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

WÜHKHE 17:10

Tüsho Atungpuhnü Mosa ki tha, “ Aron tso ju azhihde-wusurü amütsan zopü thsüde tangzüng sangdan ki hanlode arang, junangde arünü I azhihde dapdapkhi nünü akheamshihbah, jude yungsho arü ashebah.”

WÜHKHE 17:6

Jumonü Mosanü Israel mihtsürübo ki tha, tüsho arü buhtsühbo ching limberü abande tso thürükheak mahne api kilim jih; tüsho Aron tso she ju lung lakheah.

WÜHKHE 17:8

Ashidopü Mosanü tangzüng khimyam ching yü, tüsho kheahang, Levirü buhtsührü Aron tso chingnü pungde akhiukbah almond aso müna lakheah.

1 KORINT 10:10

yungsho arü khürünü rhimobah athsümünimrünü adükheakshihkhi nangde isanü matsangnü.

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”