WÜHKHE 17:3 - AMÜSÜH HÜM CL Bible (BSI)

³ Tüsho nünü Aron mung Levi tso kheak thrütkihang. Tümüde buhtsüh ching azothsürü abande tso khülang khülang labah.

WÜHKHE 17:3 Iomraidhean Croise

ABEKHIT 6:16

Harü ha arü tsühkhin yande Levi tsührübo: Gershon, Kohath, tüsho Merari. Levi ju kam 137 lakheah.

ABEKHIT 6:20

Amramnü abuh niurü Jokebed aniube thsüpü lu; tüsho alibenü api kilim Aron le Mosa zübejih. Amram kutsüp kam 137 lakheah.

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

EZEKIEL 37:16

Mihtsürü tsührü, tso khülang luang tüsho ju kheak thrütang, “Juda kiulongthsü.” Jushu tso püpü luang tüsho ju kheak thrütang, “ Israel kiulongthsü”;

WÜHKHE 17:2

“ Israelrü ki nihbuh buhtsüh aban chingnü limberü abande tso thürükheak mahne lupü thaang. Mungbo nihbuh tso kheak thrütkihang.

WÜHKHE 17:4

Nünü jurübo inü nü shorupung khimyam ching tangzüng sangdan miki zojang.

WÜHKHE 18:1

Atungpuhnü Aron ki tha, “Nü, nü tsührübo tüsho nüsa buhtsührünü arüngyam azhihdewusukhi zhipdode hahmülang lubah, tüshe nü le nü tsührübonü lang amükeamrü azhihde-wusukhi hahmülang lubah.

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

WÜHKHE 26:10

tüsho alonü amün kabah ane Kora lung muyuabah, api jingyanrü 250 monü taksahabah; tüsho arübo amütsan khülang kam.