WÜHKHE 16:9 - AMÜSÜH HÜM CL Bible (BSI)

⁹ Nüsa Israelrü Thrünpuh hode Israel boto chingnü chamkhita Atungpuh arüngyam ching rhimopü api miki yüpü, tüsho boto tankihshihpü thsüde arü miki zhipshihpü thsükhi nüsanü khide ninilah de lümcho de?

WÜHKHE 16:9 Iomraidhean Croise

THRÜNTAN 30:15

Leanü alo, “Nünü I niubuh bede atsokhinü musuhdah de? Nünü I tsührü yo mandrak she aluba de?” Rachelnü tha, “Jumonü nü tsührü yo mandrak dün apinü khihre nü lung müyambah.”

2 SAMUEL 7:19

Tüsho kheaküshe ha nü miki anikhüh lakheah, O Atungpuh T HRÜNPU H ; nünü nü yamlarü yamkhün ki arübe ching dünjipü ato thado. Haju ha mihtsürübo thsungkheaknü thsangdankhi thsüshang, O Atungpuh T HRÜNPU H !

2 KIUTHSÜYUKHEAN 35:3

Apinü Israel alala thsangyurü tüsho Atungpuh kilim müsühde alarü Levirü ki tha, “Amüsüh sangdan ju Israel kiulongthsüpuh David tsührü Solomonnü athsükhi yam ching yuka zoang; kheaküa nüsa dubuh kheak hanpü yihnüpü müla. Kheakü Atungpuh nüsa Thrünpuh tüsho api mihtsürü Israel tankihang.

NEHEMIA 12:44

Judüki arüngyam thsungkheak jihchungkhibo, thürü shihcham, hi akhuh yimlukhi tüsho sangaso akhuh asokhibo zopung thüyam khiungshak aban kheahshihpü, tüsho amükeamrü le Levirü kilim jihpü yakzannü mülükhi nangde kiutobo lu chingnü athremukhungpü mihtsürübo rhimo ching yüzahshih. Judarünü amükeamrü le Levirü kheak asüh,

ISAIA 7:13

Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

EZEKIEL 34:18

Nüsa thsungkheaknü rim atsü tsühkhi musuhdah de, tüshe nüsa jingnü nüsa rim aningkhi junakba de? Küyimki nüsanü ke amüsüh yungbanü, nüsanü nüsa jingnü aningkhi rhuzhihzhihba de?

EZEKIEL 44:16

I yo arüngakopung ching azahpü, I dükhüm ki I tankihpü arüpü ju arü labah, tüsho arünü I kingaün mukhung bebah.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 16:13

Niuhke tüsho mukhuke bukde alakhi Ijip lo chingnü isa bekhitbah sunglo ching laksahpü thsükhi, tüsho nünü isa kurungkheak atungrü thsükhi ha anikhüh ah de lümchoshi?

WÜHKHE 16:8

Tüsho Mosanü Kora ki tha, “Nü Levi tsührü, kheakü aniang:

WÜHKHE 3:6

Levirü trükbo phünide bebah arang, tüsho arübo amükeambuh Aron ki bede yünü zhipshang, tüsho arünü api tankihbah.

WÜHKHE 3:9

Nünü Levirübo ju Aron le atsührübo kilim jihbah; arübo ju Israelrü bolungnü api kilim shuhmülanga jihkhi lah.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

1 KORINT 4:3

Tüshe I ju nüsa yungsho mihtsürü mahkhap yande I yukhappü ju inü khide ninide lümlah. Inü I küdah thsüdü she thiyumükhapchoh.

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

1 SAMUEL 18:23

Jumonü Saul yamlarübonü harü yubo ramde David ki thaa huh. Tüsho Davidnü tha, “I zhochihrü mihtsürü tüsho tümü mükamrü khülangnü kiulongthsüpuh tsühmeakrü thsüpü anikhüh nangde nüsanü kheahcho de?”