WÜHKHE 16:5 - AMÜSÜH HÜM CL Bible (BSI)

⁵ tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

WÜHKHE 16:5 Iomraidhean Croise

MUNGSHIKHÜN 105:26

Apinü ayamlarü Mosa tüsho apinü mokhitkhi Aron thiyi.

MUNGSHIKHÜN 115:10

O Aron yamkhün, Atungpuh kheak kinang; apinü nüsa rungchoh tüsho tsungdochoh.

MUNGSHIKHÜN 65:4

Mihtsürü shepü nünü mokhitcho tüsho nü arüngakopung ching lapü thüninde bedarüchonü müngühmühi! Nü yam kukruk atsübo, nü amüsüh arüngyam müngühmühibonü isa reangkeambah.

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ABEKHIT 28:41

Junangde harü nünü nü khiung Aron tüsho atsührübo kheak khümjang. I ki amükeamrübo thsüde I tankihpü nünü arü mujude tsangkhitang.

ABEKHIT 28:43

Aron le api tsührübonü arü ashorupung khimyam ching yüzahchoki yungsho amüsüh dangpung ching tankihpü kingaün sadam ki yüchoki jurü yihbah, junangde arünü amülim müthsü tüsho müshe. Ha lünnü Aron tüsho api tsühsoniuso thsungkheak thiyuzüng labah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 50:44

Kekhüzü khülang Jordan rim akheah chingnü rimlopung aphüyak azhihde atukhi nangde, inü nahde arübo anihbe kheaknü yanyuka bahbah; tüsho inü mokhitkhi sherüanü anihbe kurungkheak zojihbah. Tümüde shepü I ruk la? Shenü I münitkhukla? I miki zhipkhukpü thsüde shepü namfimihnu neakrü a?

EZEKIEL 40:46

tüsho dukulim abinkhi khiungshak ha kingaün sadam kheak tankihrü amükeamrübo thsungkheak ah; harü ha Levi trük Zadok tsühsoniuso bolungnü lang api tankihpü Atungpuh thüninde arüpü kuklah.”

EZEKIEL 43:19

Zadok yamkhün Levirü amükeamrübo I tankihpü I phünide arürü kilim neak kingaünpü thsungkheak moshipung khülang nünü jihang, Atungpuh Thrünpuhnü thachoh.

EZEKIEL 45:4

Ha arüngakopung ching tankihrü tüsho Atungpuh miki tankihpü thüninde arürü amükeamrübo thsungkheak lomi shihcham amüsüh labah. Ha arü yampungbo tüsho arüngakopung thsungkheak amüsüh dangpung labah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 8:2

Aron tüsho api lung atsührübo beang tüsho ju lung amükeamrü khimmih, mujude-müsühkhitbe müdangke, neak kingaün thsungkheak moshipung nunu khülang, mihnupung mahne, tüsho phaüm muyukkhi yikhap muluk khülang,

MALAKI 3:18

Judüki nüsanü kheaküshe thiyuro-lungkirü tüsho mihbukmuyuk dükeak, Thrünpuh tankihrü tüsho api mütankihrü dükeak büthsükhi ngübah.

WÜHKHE 16:3

Arübo rukhühnü Mosa tüsho Aron azhihde mukhungbahle ane ki tha, “Nüke khide münchi hodo, tümüde Israelrü boto alala ching mihbüm abande amüsüh lah, tüsho Atungpuh arü lung lah, dale küde thsah Atungpuh borü kurungkheak nüke zangrü shuhkihcho?”

WÜHKHE 16:6

Hade thsang: Kora tüsho nü jingyanrü alalanü mophuru shuhang;

WÜHKHE 17:5

Tüsho mihtsürü shepü tso inü mokhitbanü apungbah; junangde Israel mihtsürübonü nü azhihde dapdapkhi ju inü atukloshihbah.”

WÜHKHE 17:8

Ashidopü Mosanü tangzüng khimyam ching yü, tüsho kheahang, Levirü buhtsührü Aron tso chingnü pungde akhiukbah almond aso müna lakheah.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

YUNIRÜBO RHIMO 1:2

Amüsüh Me hode apinü amokhitkhi amüsühthsangyurübo kilim thiyukhümbo jihkhi dunglim, api bede yükihkhi nimung khiungde alakheah.

YUNIRÜBO RHIMO 1:24

Tüsho arünü tamkhüntamnü, “O Atungpuh, shepünü alala mulong mükheahla, hane bolung nünü shepü mokhitdünü huhang,

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 15:7

Tüsho khide atsangachih dunglim, Peternü zhipbah arü ki tha, “Keoniorübo, khiungkerü ki thiyusheak atsü thsangyuthsangrade arünü sobah akinpü thsüde Thrünpuhnü adüsonü nüsa bolungnü I mokhitdo de nüsanü mükheahlah.

YUNIRÜBO RHIMO 22:14

Tüsho apinü tha, ‘Isa jipürü Thrünpuhnü api lümkhi mükheahpü Alungkibuh Khülang ngüpü tüsho api düsheak anipü nü mokhitdo;

EFISIA 2:13

Tüshe nüsa khülangki limshude alarü kheakü Khrista thiyih hode Jisu Khrista ching phünide kamshihdo.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.