WÜHKHE 16:46 - AMÜSÜH HÜM CL Bible (BSI)

⁴⁶ Jumonü Mosanü Aron ki tha, “ Mophuru khülang kingaün sadam kheaknü lubah ju ching mo tüsho arhümthüneabe yukang tüsho ju nahde lubahle boto kilim yübah arü thsungkheak dünthsükhiang; tümüde bukakhiukkhi Atungpuh kheaknü wukhiukdo. Arüm tankihabahdo.”

WÜHKHE 16:46 Iomraidhean Croise

1 KIUTHSÜYUKHEAN 27:24

Zeruia tsührü Joabnü arü khepü tankih, tüshe müban; tütüshe ha thsungkheaknü Israel kheak bukakhiukkhi arü, tüsho ahihdakkhi kiulongthsüpuh David yukhean khekhi ching muyuk.

MUNGSHIKHÜN 106:29

Hanangde arü rhimobonü api bukakhiukshih, tüsho arü bolung arüm akhiuk.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

HABAKKUK 3:5

Api müngüh ashebe-tukthsü yü, tüsho adunglim arümnü yande yü.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

WÜHKHE 1:53

tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 11:33

Arübonü shih mütsühkhamyide, mihtsürübo azhihde Atungpuh bukakhiuk, tüsho Atungpuhnü arüm tukthsü ato khülangnü mihtsürübo kheak shik.

WÜHKHE 18:5

Tüsho Israel mihtsürü kheak bukakhiukkhi mülaloshihpü thsüde nünü arüngyam tüsho kingaün sadam hahmülang rhimo alala thsang.

WÜHKHE 25:13

tüsho ha api le anihbuh tsühsoniuso kheak akheam mülakhi amükeam trük thsüpü tangzüngkhi labah, tümütüsho apinü nihbuh Thrünpuh thsungkheak mulongkhit, tüsho Israel mihtsürü thsungkheaknü dünthsükhijih.’ ”

WÜHKHE 25:8

tüsho apinü Israelbuh dunglim yande khimyam ching yü tüsho alibe ane chido chinkhitde khean. Junangde arüm ju Israel mihtsürü bolungnü tukloabah.

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.

YUZÜNGTHALO 9:22

“Nüsanü Tabera, Massa, tüsho Kibroth-hattava ching she A TUN GPU H bukakhiukshih.