WÜHKHE 16:30 - AMÜSÜH HÜM CL Bible (BSI)

³⁰ Tüshe Atungpuhnü tümükhüh aso-thsüde rhimosho tüsho alonü mün kabahle arübo le kukrukbo muyusho tüsho arübo arhangnü alokhün ching yüzahsho, harü mihtsürübonü Atungpuh bahyuka lah de nüsanü amükheahbah.”

WÜHKHE 16:30 Iomraidhean Croise

JOB HU H T ANYU 31:2

Akulim Thrünpuh kilimnü I shihcham tümü laba, tüsho achang kheak Wutobuh kilimnü I yamrüplurüp tümü laba?

JOB HU H T ANYU 31:3

Mihbukmuyuk thsungkheak athsümünim, amülim rhimorü thsungkheak thsümütsü yung de?

MUNGSHIKHÜN 124:3

judüki isa azhihde arü mulong zhipzhipchoki arünü isa muyua labah;

MUNGSHIKHÜN 55:15

Ashepünü arü tholoshang; arübo arhangnü Ashe-lomi ching yüshang, tümüde mihbukmuyuk arü lapungbo tüsho arü bolung ching lah.

ISAIA 28:21

Tümüde Atungpuhnü Perazim wung kheak nangde asürübah, apinü Gibeon jindükhün ching nangde bukakhiukbah–junangde müdünjia kheahkhi amüyinsahbe api rhimo rhimobah.

ISAIA 43:19

I a aso rhimopü thsüchoh; kheakü mukhuhde akhiukchoh, nünü ju manikhit de? Inü limro aso khülang sunglo ching thsübah tüsho loshelo ching ayungbo lashihbah.

ISAIA 45:12

Inü alomi thrün, tüsho ju kheak mihtsürü thrün; I khahnü thüningbo thoshang tüsho chiningbo ki thiyukhüm jih.

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

EZEKIEL 31:14

Jumonü keyean sangbonü nihbuh küdah thsüde müshangkihlo, amobo hode mushuhkih. Ke tsüde aduhkhi sang tümü she ha ruk achangkhi mukhiung; tümüde arübo alokhün ching yüzahrü, ashepü mihtsürü lung shepü arübo akhua lah.

WÜHKHE 16:31

Tüsho apinü harü yu thakhamshu arü bukkhüp alo azüabah,

WÜHKHE 16:33

Jumonü arü le arü lung lakhi mihtsürübo arhangnü alo khün ching yüzahbah; alonü arü hüpdoabah, tüsho arübo boto bolungnü dükheakabah;