WÜHKHE 16:28 - AMÜSÜH HÜM CL Bible (BSI)

²⁸ Tüsho Mosanü tha, “ Ha hode harübo rhimoshihpü Atungpuhnü thiyikheah de nüsanü amükheahbah, tümüde jurübo inü amulongkhi chingnü rhimochoh yung.

WÜHKHE 16:28 Iomraidhean Croise

1 KIULONG THSÜRÜ 18:36

Animuro kingaün jihkhi kim ching wukihbuh Elija phünide arü tüsho tha, “O Atungpuh , Abraham, Isak, tüsho Israel Thrünpuh, nü Israel ching Thrünpuh tüsho I nü yamlarü tüsho nü yukhüm hode harü alala rhimodo de khihni mükheahshang.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 4:12

Jumonü yüang tüsho athapü ching inü arungbah, tüsho nünü tümü thabea ju inü thaa huhbah.”

ABEKHIT 4:15

Nünü api ki thabah tüsho thiyu ju api mün ching yukjihbah; tüsho athapü thsungkheaknü inü nüke chido rungbah tüsho tümü thabea ju inü nüke chido ki thabah.

ABEKHIT 7:9

“Pharaonü nüke ki, ‘Nükenü amütsan khülang huhang,’ de thasho, nünü Aron ki thabah, ‘Nü tso ju luang tüsho Pharao miki ayoshang, tüsho ju phuruto khülang kambah.’”

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

EZEKIEL 13:17

Mihtsürü tsührü, kheakü nü mihtsürü tsührübebo arü lümkhinü müchitrü azhihde nü miro abinang. Arü azhihde müchitang

ZEKARIA 2:9

Kheakü kheahang, inü arü azhihde I khah shuhkihbah, tüsho arübo ju arü nihbuh azhorübonü yankhia lupü kambah. Judüki Wuto Atungpuhnü thiyido de nüsanü mükheahbah.

ZEKARIA 4:9

“Zerubbabel khahbonü ha yam khimtan thsüdo; api khahbonü ju she athsükhibah. Judüki Wuto Atungpuhnü I nüsa kilim thiyikheah de nüsanü amükheahbah.

WÜHKHE 24:13

Balaknü api yam shotoyinchi tüsho sunanü mide jihjih she I lümkhi atsü yungsho amütsü thsüthsü inü Atungpuh kheak hode mujukhokhuk; tüshe Atungpuhnü tümü thabanü, inü ju thabeah?”

JOHAN 11:42

Tüsho nünü kamruhroro I ki sojihchoh de inü mükheahlah, tüshe ha kheak zhipkhi mihtsürübonü nünü I thiyikheah de akinshihpü thsüde inü ha thachoh.”

JOHAN 14:11

I Abuh kheak lah tüsho I kheak Abuh lah de kinang, yungsho rhimobo thsülimnü I kheak kinang.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

YUZÜNGTHALO 18:22

Küyimki wukihrü khülangnü Atungpuh mung ching thabah ju müdünjibanü ju Atungpuhnü müthakhi ah; wukihbuhnü ju lümkangyu thado; nüsanü api dütre.