WÜHKHE 16:22 - AMÜSÜH HÜM CL Bible (BSI)

²² Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 16:22 Iomraidhean Croise

THRÜNTAN 18:32

Apinü tha, “Atungpuh bukdakhiuk, tüsho inü khülang ki asukbah: Mürangkhüh ju ching thürü ngükhülaa küde?” Tüsho apinü alo, “Thürü thsülimnü inü ju müdükheakshih.”

2 SAMUEL 24:1

Kheaküshe Israel kheak Atungpuhnü bukakhiuk, tüsho apinü arü azhihde David ki ajuhde tha, “Yüang, Israel tüsho Juda mihtsürü kheang.”

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

JOB HU H T ANYU 12:10

Api khah ching rhangdung lakhi alala tüsho sheak thsükhi mihtsürü alala lah.

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

T H S AN GYU T H S AN GR ARÜ 12:7

tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

JEREMIA 32:27

Kheahang, I Atungpuh , mihtsürü alala Thrünpuh; tümükhüh I thsungkheaknü khide chakla shi?

JEREMIA 38:16

Jumonü kiulongthsüpuh Zedekianü ramde Jeremia ki thiyuchihchim thsü, “Atungpuh lale, Shepünü isa rhangdung jihkhea, inü nü müsheshih yungsho nü yimrü mihtsürübo khah ching müjih.”

EZEKIEL 18:4

Tümüde arhang lakhi me aban I yo ah, buhrü tüsho tsührü–ane chido I yo ah. Me küpünü neak yihbeakchonü ashebah.

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

LEVI 4:3

Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah.

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

WÜHKHE 14:5

Mosa le Aron anenü Israelrü amukhungrü boto miki mükhüm.

WÜHKHE 16:23

Jumonü Atungpuhnü Mosa ki tha,

WÜHKHE 16:4

Küyimki Mosanü ju sokhea, apinü amiro zhinabah;

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

WÜHKHE 27:16

“Atungpuh , mihtsürü mebo kurungkheak Thrünpuhnü, boto kurungkheak mihtsürü khülang thiyia,

ROMRÜ KILIM PAULNÜ ATHRÜTKHI KIHÜM HUHTANYU 5:18

Junangde khülangnü alakmihkhinü mihtsürü alala thsungkheak abahyukkhi nangde, khülangnü thiyuro-lungki rhimokhi hode mihtsürü alala thsungkheak rhangdung handarükhi alim mütsanjihchoh.

1 KORINT 13:7

Amuzhonü alala arümkheamchoh, alala akin lachoh, alala mulonglamchoh, alala rünkhiungchoh.

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?

JIHUSUA 22:18

Kheakü nüsanü api yanpü thsungloba de? khihni nüsanü Atungpuh azhihsho, apinü shido Israel boto alala kheak bukakhiukbah.