WÜHKHE 16:18 - AMÜSÜH HÜM CL Bible (BSI)

¹⁸ Jumonü mihtsürü abannü nihbuh mophuru ching mo yukbah ju kheak arhümthüneabe yihkih, tüsho Mosa le Aron ane lung arüngkhimyam ripit ki zhip.

WÜHKHE 16:18 Iomraidhean Croise

2 KIUTHSÜYUKHEAN 26:16

Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

LEVI 16:12

apinü Atungpuh miki kingaün sadam kheaknü mo takpung ching mokhih zahde alubah tüsho tsüde anitkhi rhümthüneabe müyikhüh lubah Amüsüh Dangpung ki arübah.

LEVI 16:13

Apinü Atungpuh miki rhümthüneabe ju mo kheak yihkihbah, tüsho rhümthüneabe takkhi mokhühnü tangzüng sangdan khidopü liudobah, jude athsükhinü apinü ju müngü tüsho müshe.

WÜHKHE 16:17

Nüsa mihbüm abande mophuru lubah ju ching arhümthüneabe yukang tüsho mophuru 250 ju nüsa abande Atungpuh miki lubah arang, nü tüsho Aron she nihbuh mophuru abande shuhang.”

WÜHKHE 16:19

Tüsho Koranü arü azhihde alala arüngkhimyam ripit ki bemukhung, tüsho Atungpuh müretahkhi boto alala ki akhiuka huh.

WÜHKHE 16:37

“ Amükeambuh Aron tsührü, Eleazar ki mo chingnü phurubo ju thrükhitang de thaang, tümüde jurübo amüsüh ah, tüsho mo ju limshude hiumüzüta bahang.

WÜHKHE 16:48

tüsho apinü asherü le arhang larü dükeak zhip; jumonü arüm ju tukloabah.