WÜHKHE 16:14 - AMÜSÜH HÜM CL Bible (BSI)

¹⁴ Kheaküshe nünü isa niuhke tüsho mukhuke bukpung lo ching bede marü, yungsho thulu le kurungasolu yamrüplurüp isa kilim müjih. Nünü harü mihtsürü mükji khünkhita bahjihpü? Isa matu!”

WÜHKHE 16:14 Iomraidhean Croise

ABEKHIT 22:5

“ Mihtsürü khülangnü thulu yungsho kurungasolu ching anihbuh akam-shiwüh yimkipsho tüsho dükhea yünü püpürü lu ching yimtsühsho, apinü nihbuh lu yungsho kurungasolu ching yo atsübenü ashaklobah.

ABEKHIT 23:10

“Nünü kam thuruk nü lubo ching mükheanang tüsho hibo yimluang,

ABEKHIT 23:11

tüshe kam thünepü ching nünü thulu ju müthsü tüsho ju ching mukhuhkhi düyimlu, junangde nüsa mihtsürü zhochihrünü atsühbah; tüsho tümü arünü aningshihbanü thulu ching lakhi shiwühbonü atsühbah. Nünü kurungasolu tüsho oliv dungbo kheak junangde thsang.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

WÜHKHE 13:27

Tüsho arünü Mosa ki tha, “Nünü athiyikhi lomi ching isa yüdo. Dükde ju ching niuhke tüsho mukhuke bukchoh, tüsho ha ju ching yo sangaso ah.

WÜHKHE 14:8

Atungpuhnü isa kheak asühsho, apinü isa ha lomi ching bede ayübah tüsho niuhke le mukhuke bukde alakhi lomi ju isa kilim jihbah.

WÜHKHE 20:5

Tüsho tümüde nünü ha amütsü dangpung ching bedarüpü isa Ijip chingnü atushihkhea? Ha hi yungsho khubaso yungsho kurungaso yungsho tsarümkiu lapung yung; ke yungpü she müla.”

MAHKHAPRÜ 16:21

Judüki Filistiarünü api rambah amükjibo khünkhit tüsho Gaza ching bede yü. Arünü api müwayinchi liunü rhük, tüsho rihyam ching hi churü kamabah.

1 SAMUEL 11:2

Tüshe Amonrü Nahashnü arü ki tha, “ Ha hodü lang inü nüsa kheak thiri müthsüpü tangzüngbah, Israel alala kheak masühkhi arüshihpü thsüde inü mihbüm aban mükji tsülim khünkhitbah.”