WÜHKHE 16:11 - AMÜSÜH HÜM CL Bible (BSI)

¹¹ Jumonü nü tüsho nü jingyanrü alala thsürubah Atungpuh azhihchoh, tüsho Aron ju tümü ah de nüsanü api azhihde dapdapcho?”

WÜHKHE 16:11 Iomraidhean Croise

1 KIUTHSÜYUKHEAN 26:19

Harü ha Korarü tüsho Merari tsührü bolung ching ripit neakrü chamnakkhi lakheah.

MUNGSHIKHÜN 106:16

Küyimki arünü binkheampung ching Atungpuh kilim tsangkhitkhi Mosa tüsho Aron mükthsükhea,

ABEKHIT 17:2

Jumonü mihtsürübonü Mosa bede müneah tüsho tha, “Isa yungpü ke jihang.” Tüsho Mosanü arü ki alo, “Tümüde nüsanü I müneahcho? Tümüde nüsanü Atungpuh rükakicho?”

WÜHKHE 11:1

Tüsho mihtsürübonü arü küpkhukkhi dünkheak Atungpuhnü sode dapdapneangneang; tüsho küyimki Atungpuhnü asokhea, api bukakhiuk tüsho arü bolung Atungpuh mo takshih, tüsho binkheampung mühi mühit khürü takabah.

WÜHKHE 16:12

Tüsho Mosanü Eliab tsührübo Dathan le Abiram büne jipü thiyi, tüshe anenü tha, “ Ike matu!

WÜHKHE 16:3

Arübo rukhühnü Mosa tüsho Aron azhihde mukhungbahle ane ki tha, “Nüke khide münchi hodo, tümüde Israelrü boto alala ching mihbüm abande amüsüh lah, tüsho Atungpuh arü lung lah, dale küde thsah Atungpuh borü kurungkheak nüke zangrü shuhkihcho?”

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

JOHAN 13:20

Atsütsü inü nüsa ki thachoh, shepünü inü athiyikhi leangkhichonü I leangkhichoh; tüsho shepünü I leangkhichonü I thiyibuh leangkhichoh.”

YUNIRÜBO RHIMO 5:4

Ju müyinyichoki nü yo lakhi yung de tüsho ju yinshu sho nü yung de? Tümünü nü hadürü rhimoshihkhea? Nünü mihtsürü ki yung tüshe Thrünpuh ki akeangyu rhimodo.”

ROMRÜ KILIM PAULNÜ ATHRÜTKHI KIHÜM HUHTANYU 13:2

Jumonü shepünü thiyukhüm-sühmühbo azhihchonü Thrünpuhnü amokhitkhi azhihchoh, tüsho shepünü azhihchonü nihbuh kheak mahkhap hande arübah.

1 KORINT 10:10

yungsho arü khürünü rhimobah athsümünimrünü adükheakshihkhi nangde isanü matsangnü.

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

1 SAMUEL 8:7

tüsho Atungpuhnü Samuel ki tha, “ Mihtsürübonü nü ki thakhi arü düsheak alala ching anijang; tümüde arünü nü mübahyuk, tüshe arü kurungkheak kiulongthsürü zokhi hode I bahyukdo.