WÜHKHE 15:31 - AMÜSÜH HÜM CL Bible (BSI)

³¹ Tümütüsho apinü Atungpuh yu bahyukdo, tüsho api yukhüm thsümünim, ju buh mihtsürü ju tsükjide khekhita bahbah; anihbuh neak api kheak labah.

WÜHKHE 15:31 Iomraidhean Croise

2 SAMUEL 12:9

Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

MUNGSHIKHÜN 107:11

tümütüsho arünü Thrünpuh yubo azhih, tüsho Khide Achang lümthiyan bahyuk,

MUNGSHIKHÜN 119:126

Ha nünü arhimopü kim ah, O Atungpuh , tümüde arünü nü yakzan akeangkeang khejihchoh.

MUNGSHIKHÜN 38:4

Tümüde I mülimkhibo I ku alapde yükihdo; hahmülang nangde ahanpü khide mülanglah.

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

MÜCHITMUDU 13:13

Shepünü thiyu mükhemükimbanü athsümünimbah, tüshe shepünü thiyukhüm trechonü thsambah ngübah.

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

EZEKIEL 18:20

Neak yihbeakrü me ju ashebah. Tsührünü abuh amülim mühanrung, yungsho abuhnü tsührü amülim mühanrung. Thiyuro-lungkirü thiyuro-lungkikhi ju api kilim yukajakjihbah, tüsho mihbukmuyukrü mihbukmuyukkhi ju api yo thsübah.

LEVI 26:15

tüsho I yakzan thsükhibo manisho tüsho I yuzüngbo manisho yungsho I yukhümbo alala müleangkhide tangzüngkhi thsümünimsho,

LEVI 26:43

Tüshe arünü alo ju akeangkeang lashihbah, tüsho arübo mülade zhikrangkhündo alachoki amunibo asühde amungbah; arübonü nihbuh neak dün thsüphulobah, tümütüsho arübonü I yakzan tüsho thiyukhümbo bahyuk.

LEVI 5:1

Mihtsürü khülangnü tümükhüh ngükhi yungsho mükheahkhi dünkheak mihtsürübonü thiyumütsan jihang de arhunganimkhi sobah apinü müthakhi hode neak yihbeaksho, ju hah apinü ahanbah.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

YUZÜNGTHALO 17:12

Khürünü mahkhaprü yungsho Atungpuh nüsa Thrünpuh tankihrü amükeamrü ki mihyumanide azhihsho api asheshihbah; hanangde nüsanü amütsürü Israel chingnü yihkhita bahang.

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

2 PETER 2:21

Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado.

1 SAMUEL 3:14

Jumonü Eli yamkhün neak ju laksah-a kingaünde yungsho jihchungchung she lünnü mübahjih de inü Eli yamkhün ki thiyuchihchim.”