WÜHKHE 15:30 - AMÜSÜH HÜM CL Bible (BSI)

³⁰ Tüshe mihtsürü shepünü mede neak yihbeakbanü, nihbuh lo ching züberü yungsho khiungkerü thsüthsü, shepü Atungpuh miki amülim handarübanü, api nihbuh mihtsürü bolungnü khekhita bahbah.

WÜHKHE 15:30 Iomraidhean Croise

THRÜNTAN 17:14

Tüsho athrürü shepü tsütamübahbanü ju mihtsürü anihbuh mihtsürü lungnü khekhita bahbah; apinü I tangzüng thsümünimdo.”

JOB HU H T ANYU 38:15

Ayin ju mihbukmuyuk kheaknü thololah, tüsho arü bin shuhkihkhi zhaka lah.

MUNGSHIKHÜN 19:13

Lülüshishide alümkhi neakbo chingnü nü yamlarü küma zoang; arünü I kurungkheak yakzan düshuhshih. Judüki I ahühmüdam tüsho tode alakmihkhi mülade alabah.

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

MUNGSHIKHÜN 74:18

O Atungpuh , thiririnü keangrümünechoh, tüsho makharü mihtsürünü nü mung mükhemükimdo de lümkhitang.

MUNGSHIKHÜN 74:22

Asürang, O Thrünpuh, nü dünkheak leangloang; makharü mihtsürünü nü nimung aban münejihkhi lümkhitang.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

MUNGSHIKHÜN 89:51

Nü riribonü nünü mujude-mokhitkhi kiulongthsüpuh mükhemükimchoh, O Atungpuh ; arünü api yüpung alala ching mükhemükimdo.

ABEKHIT 21:14

Tüshe mihtsürü khülangnü lümkhi thsübah akhekhungnü khürü laksahsho, I kingaün sadam kheaknü bede tsoang tüsho laksahang.

ABEKHIT 30:33

Shepünü thüneabe ha ruk thsüba tüsho amükeamrü kheak hode shepünü ayukbanü api ju nihbuh mihtsürü bolungnü khekhita bahbah.’ ”

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

EZEKIEL 20:27

Jumonü, mihtsürü tsührü, Israel mihtsürü ki asukang tüsho arü ki thaang, Wuto Atungpuhnü ha thachoh: Ha ching she nüsa bebuhrünü I bahyukde mükhemükim yu thado:

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

LEVI 20:3

Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

WÜHKHE 15:29

Nihbuh lo ching Israel mihtsürü lung zübekhi thsüala tüsho arü bolung lakhi khiungkerü thsüala, müreanglimnü ayihbeakkhi neak dünkheak yakzan khülang lang alabah.

WÜHKHE 9:13

Tüshe mihtsürü shepü müsühla tüsho hantsah müyü, tüshe phunghothünio müleangkhisho, api I mihtsürü lungnü khekhita bahbah, tümütüsho apinü akhukhitkhi kim ching Atungpuh kingaün mühan; api zangrünü api neak hanbah.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

YUZÜNGTHALO 1:43

Jumonü inü nüsa ki thado; tütüshe nüsanü manide Atungpuh yukhüm azhihde, tüsho lülüshishide awung ching wutukheah.

YUZÜNGTHALO 32:27

tüshe inü arü riri mükükheangshihkhukde bahdo, jude thsükhülaa arü riribonü aniphülapbah athabah, “Isa khahnü kukdo; Atungpuhnü harü alala mürhimo.” @SP ACE=

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.

1 SAMUEL 2:25

Mihtsürü khürünü püpürü azhihde neak yihbeaksho, Thrünpuhnü api mahkhapbah tüshe khürünü Atungpuh azhihde neak yihbeaksho, shepünü neak kheangjihpü?” Tüshe arünü arü abuh düsheak mani; tümüde arü laksahpü ju Atungpuh lümkhi lakheah.

1 SAMUEL 3:14

Jumonü Eli yamkhün neak ju laksah-a kingaünde yungsho jihchungchung she lünnü mübahjih de inü Eli yamkhün ki thiyuchihchim.”