WÜHKHE 15:21 - AMÜSÜH HÜM CL Bible (BSI)

²¹ Nüsanü akhuh nungkhi yikhap Atungpuh kilim lünnü kingaün jihang.

WÜHKHE 15:21 Iomraidhean Croise

NEHEMIA 10:38

Küyimki Levirübonü thürü shihcham leangkhibanü Aron tsührü amükeamrübo she arü lung bebah; tüsho Levirübonü thürü shihcham chingnü thürü shihcham zowupung Thrünpuh yam khiungshak achanglim hande yükih azobah.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 29:28

Ha kamruhroro Aron le atsührübo thsungkheak Israelrü kilimnü mutukzhak shihcham labah. Ha Israelrünü arü mungtsü kingaün chingnü Atungpuh kilim arung jihkhi labah.

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

LEVI 23:14

Nüsanü ju nimungnü nüsa Thrünpuh kilim kingaün handarü müjihyi khiungde yikhap thsüthsü, angukhi hi thsüthsü yungsho aso hi thsüthsü nüsanü mütsüh; ha nüsa tsühsoniuso lün ching lapung abande thiyukhüm labah.

WÜHKHE 15:20

Nüsanü hi akhuh chukhi chingnü yikhap jihang tüsho ju rhimopung ching yo kingaün jihkhi nangde jihang.

WÜHKHE 15:22

Tüshe nüsanü müreanglimnü Atungpuhnü Mosa ki thakhi yukhümbo khürü manide lakmihsho–

WÜHKHE 18:26

Ha Levirü bo ki thaang, Nüsa yamrüplurüp thsüde inü ajihkhi thürü shihcham küyimki Israel mihtsürü kheaknü alubanü, ju yo thürü shihcham nünü Atungpuh kilim arung kingaün jihang.