WÜHKHE 14:8 - AMÜSÜH HÜM CL Bible (BSI)

⁸ Atungpuhnü isa kheak asühsho, apinü isa ha lomi ching bede ayübah tüsho niuhke le mukhuke bukde alakhi lomi ju isa kilim jihbah.

WÜHKHE 14:8 Iomraidhean Croise

2 SAMUEL 22:20

Apinü I amülih dangpung ching bedakhiuk; apinü I bekhit, tümütüsho apinü I kheak asüh.

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

2 KIULONG THSÜRÜ 18:32

I arübahle nüsa nihbuh lomi nangde alakhi, hi tüsho yukhu lomi, yikhap tüsho kurungasolu lomi, oliv müdangke tüsho mukhuke lomi ching bebah müyüyi khiungde, junangde nüsa labah tüsho müshe. Hezekianü nüsa bemüchihde ha thakhi dani, “Atungpuhnü isa bekhitbah.”

MUNGSHIKHÜN 22:8

“Apinü Atungpuh kheak kindo, apinü anihbuh khümkhitshang; apinü anihbuh bekhitshang, tümütüsho apinü anihbuh kheak asühlah!”

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

WÜHKHE 13:27

Tüsho arünü Mosa ki tha, “Nünü athiyikhi lomi ching isa yüdo. Dükde ju ching niuhke tüsho mukhuke bukchoh, tüsho ha ju ching yo sangaso ah.

WÜHKHE 16:14

Kheaküshe nünü isa niuhke tüsho mukhuke bukpung lo ching bede marü, yungsho thulu le kurungasolu yamrüplurüp isa kilim müjih. Nünü harü mihtsürü mükji khünkhita bahjihpü? Isa matu!”

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

YUZÜNGTHALO 10:15

Tüshe khihni lakhi nangde Atungpuhnü nüsa jipürü kheak mulong keamde muzho tüsho apinü arü tsührü-tsührübo, nüsabo trükshih alala kurungkheak mokhit.

JIHUSUA 14:12

Jumonü ju nimung Atungpuhnü athakhi nangde kheakü ha awung lomi I kilim jihang; tümüde Anakimrü künangde chipi düküngde kiutobo ching lakheanü nünü ju nimung sodo; khükijua Atungpuh I lung labah, tüsho Atungpuhnü athakhi nangde inü arü yankhita bahbah.”