WÜHKHE 14:5 - AMÜSÜH HÜM CL Bible (BSI)

⁵ Mosa le Aron anenü Israelrü amukhungrü boto miki mükhüm.

WÜHKHE 14:5 Iomraidhean Croise

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

1 KIULONG THSÜRÜ 18:39

Küyimki mihtsürü alalanü ju ngükhea, arü miro mükhümbah tha, “Atungpuh ju Thrünpuh ah; Atungpuh lang Thrünpuh ah.”

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

EZEKIEL 9:8

Küyimki arünü laksahde alakhea tüsho I langzü lakhea, I miro mükhümbah zhi, “Ah, Wuto A TU N GPU H ! Jirusalem kheak nü bukakhiuk dungkihkhi ching Israel aningkhi abümnü nünü alaksahkhamba de?”

DANIEL 10:9

Küyimki inü api düsheak sokhea, keakeashahshahde kambah I miro alo lim kheahbah lunga yap.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

WÜHKHE 14:6

Tüsho Nun tsührü Jihusua tüsho Jephunne tsührü Kaleb, lomi zütakheah lung benenü khimmih thorüp,

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

WÜHKHE 16:4

Küyimki Mosanü ju sokhea, apinü amiro zhinabah;

WÜHKHE 16:45

“ Harü boto chingnü tsoakhinang, tüsho inü arübo khülangkiyu thsüde akheamshihbah,” tüsho ane miro zhinabah.

WÜHKHE 17:10

Tüsho Atungpuhnü Mosa ki tha, “ Aron tso ju azhihde-wusurü amütsan zopü thsüde tangzüng sangdan ki hanlode arang, junangde arünü I azhihde dapdapkhi nünü akheamshihbah, jude yungsho arü ashebah.”

WÜHKHE 20:6

Jumonü Mosa tüsho Aron anenü boto mikinü arüngyam ripit ki yü tüsho ane miro koyu tüsho Atungpuh müretahkhi ane ki akhiuka huh.

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

JIHUSUA 5:14

Apinü alo, “ Küpü she yung; tüshe Atungpuh bonungrü thiyukhüm jihrü I kheakü arüdo.” Tüsho Jihusuanü alo kheak khukningbah kingaün, tüsho apinü tha, “I TUN GPU H , nü yamlarü ki nünü tümü thiyukhüm jihnela?”

JIHUSUA 7:10

Atungpuhnü Jihusua ki tha, “ Asürang! Tümüde nü miro alo ching khurambah yabla?

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 5:14

Tüsho arhang shiwühbo phüyinü tha, “Amen!” Tüsho azothsürübonü khukningbah kingaün.

AMIKHEAKAKHIUKKHI 7:11

Tüsho yunirü alalanü kiulongthsü-binkiu, azothsürübo tüsho arhang shiwüh phüyi mükamde zhip, tüsho kiulongthsü-binkiu miki arü miro mükhüm tüsho Thrünpuh kingaünde