WÜHKHE 14:34 - AMÜSÜH HÜM CL Bible (BSI)

³⁴ Nüsanü lomi zütakheahkhi nimung yirü yande nimung khülang dün kam khülang ju kam yirü, nüsa münean hanbah, tüsho inü abahyukkhi nüsanü amükheahbah.

WÜHKHE 14:34 Iomraidhean Croise

1 KIULONG THSÜRÜ 8:56

“Apinü alokhikhi nangde api mihtsürü Israel kilim sühakhim jihbuh Atungpuh shiang; apinü ayamlarü Mosa hode alokhikhi atsü thiyu khülang she mülakphah.

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

MUNGSHIKHÜN 105:42

Tümüde apinü api amüsüh alokhikhi tüsho ayamlarü Abraham lümkhit.

MUNGSHIKHÜN 38:4

Tümüde I mülimkhibo I ku alapde yükihdo; hahmülang nangde ahanpü khide mülanglah.

MUNGSHIKHÜN 77:8

Api amüthsüm lünnü kheamdü de? Apinü alokhikhi lünnü müla de?

MUNGSHIKHÜN 95:10

Tümüde kam yirü I ju lün lung mulong rozhakde alakheah, tüsho tha, ‘ Ha arü mulong ching rholode atsokhi mihtsürü, tüsho arünü I limrobo mümükheah.’

EZEKIEL 14:10

Arünü arü mülimkhi hanbah– wukihrü tüsho api ki keokhipü arükhi ane rukhüh thsümüchi ngübah.

EZEKIEL 23:35

Jumonü Atungpuh Thrünpuhnü ha thachoh: Tümütüsho nünü I mihdo tüsho I nü dunglim nima bah, jumonü nü makhamaleak rhimo tüsho müzammüram dün thsünübah.

EZEKIEL 4:5

Arü neak kambo nangde inü nü ki ju nimung khekhi rukhühnü jihdo. Jumonü nünü nimung 390 thsungkheak Israel yamkhün neak hanbah.

EZEKIEL 4:6

Nünü ha banshu, ha kim ching a nünü tsülim peang yapang, tüsho Juda yamkhün neak hanang; kam aban thsungkheak nimung khülang, nimung yirü inü nü kilim jihchoh.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

HOSEA 9:12

Arünü tsührübo mütrümususu she, sheshe maningyi khiungde inü arü tüzhoshihbah. I arü kheaknü chamachihchoki atsütsü arü are!

LEVI 20:19

Nü be niurü yungsho nü buh niurü kheak dünung, tümüde junü betsührü khung thsükhi wüntre mülade akambah; nüke chidonü neak hanbah.

ZEKARIA 11:10

Inü Mihmüthsüm tso lu tüsho inü mihtsürü alala kheak tangzüngkhi thsümünimde ju yihshak.

WÜHKHE 13:25

Nimung yirü dunglim arübonü lomi züta kheahbah alodarü,

WÜHKHE 18:23

Tüshe Levirünü arüngyam ching arüngakobo rhimobah, tüsho arünü arü münean hanbah; ha lünnü tsührü-tsührü lün khiungde yakzan labah, junangde Israel mihtsürü bolung arü yamrüplurüp müla.

WÜHKHE 32:13

Jumonü Atungpuhnü Israelrü kheak bukakhiuk, tüsho apinü arü sunglo ching Atungpuh miki amünean rhimorü lünbo muhokham khiungde kam yirü sunglo ching rümde tsahshih.

YUNIRÜBO RHIMO 13:18

Tüsho apinü kam yirü sunglo ching arü küm.

YUZÜNGTHALO 2:7

“Tümüde Atungpuh nüsa Thrünpuhnü nüsa khah rhimokhi alala ching müngühjihdo. Apinü nüsa ha sunglo ato hode keaksahde atsahkhi mükheahlah. Ha kam yirü Atungpuh nüsa Thrünpuh nüsa lung lado; tüsho nüsa tümü she müngüde müla.

IBRI 4:1

Jumonü, api sühakhim ching yüzahpü alokhikhi lale, nüsa she lang she mülakphahpü thsüde isanü kümkanganü.

JIHUSUA 14:10

Tüsho kheakü nüsanü ngülah, apinü athakhi nangde Israelrü sunglo hode hantsahchoki Atungpuhnü ha yu Mosa ki thakhi kim chingnü ha kam yirükheak phüngü Atungpuhnü I rhangdung lashihlah; tüsho khihni I kam 85 azorü kamdo.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.