WÜHKHE 14:30 - AMÜSÜH HÜM CL Bible (BSI)

³⁰ Jephunne tsührü Kaleb tüsho Nun tsührü Jihusua ane kheak hode, nüsa sheshe inü alokhikhi lo ching müyüzah.

WÜHKHE 14:30 Iomraidhean Croise

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

MUNGSHIKHÜN 95:11

Jumonü inü I mulong zhipzhip ching thiyuchihchim thsü, ‘ Arünü I sühakhim ching müyüzah.’ ”

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

EZEKIEL 20:15

Kheaküshe inü arü kilim jihkhi lomi, niuhke tüsho mukhuke bukkhi lomi, khide akhamkhi lomi ching bede marüpü arü ki inü sunglo ching thiyuchihchim thsü,

EZEKIEL 20:38

Nüsa I azhihrü inü müsühkhitbah. Arü lakhi chingnü inü arübo bekhitkhit she, arübo Israel lomi ching müyüzah. Judüki I Atungpuh de nüsanü mükheahbah.

WÜHKHE 13:6

Juda trük chingnü, Jephunne tsührü Kaleb;

WÜHKHE 14:24

Tüshe I yamlarü Kaleb kheak me büthsüde alakhi hode mulong jihde I yan, api yükhi lo lim inü api bedarübah tüsho atsührü-tsührübonü ju yamrüplurüp lubah.

WÜHKHE 14:38

Tüshe Nun tsührü Jihusua tüsho Jephunne tsührü Kaleb anea lomi züta kheahpü yürü mihtsürü bolungnü aninga arhang la.

WÜHKHE 26:65

Tümüde Atungpuhnü arü dünkheaknü tha, “ Tsükjide arübo sunglo ching shebah.” Jumonü Jephunne tsührü Kaleb tüsho Nun tsührü Jihusua kheak hode mihtsürü sheshe maning.

WÜHKHE 32:12

Kenizrü Jephunne tsührü Kaleb, tüsho Nun tsührü Jihusua anenü lang mulong athrünkhinü Atungpuh yu anido.’

AMIKHEAKAKHIUKKHI 10:6

tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü,