WÜHKHE 14:18 - AMÜSÜH HÜM CL Bible (BSI)

¹⁸ ‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

WÜHKHE 14:18 Iomraidhean Croise

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

JOB HU H T ANYU 21:19

Nüsanü thachoh, “Apinü alakmihkhi api tsührü kilim zojihchoh.” Ju api ki jihloshang, junangde apinü ju mükheahbah.

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 108:4

Tümüde nü amüthsüm ju thüningbo kumung lah, tüsho nü thiyuronü amobo khiunglah.

MUNGSHIKHÜN 109:14

Anihbuh jipürü mülimkhi Thrünpuh miki lümkhitshang, tüsho anihbuh abe neak nankhita dübahshih.

MUNGSHIKHÜN 145:8

Atungpuh a mihmüthsüm tüsho amuzhonü mide lah, arünnü bukakhiukchoh tüsho amüthsüm ching tolah.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 20:6

tüshe I muzhorü tüsho I yukhümbo zorü chithürübo ki mihmüthsüm huhchoh.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 32:18

Nünü chithürü lün ki muzhodakde huh, tüshe berübuhrü neakbo arü tsührübo khüh kheak zojih, O ato tüsho Wuto Thrünpuh, shepü mung Wuto Atungpuh la,

TÜZHOKHI 5:7

Isa jipürübonü neak yihbeak; arü kheaküa müla, tüsho isanü arü amülimbo hanlah.

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

WÜHKHE 14:17

Jumonü kheakü inü mushuchoh, nünü asukkhi yande, Atungpuh wu huhang:

WÜHKHE 23:21

Jakob kheak apinü amülim mükheahkhit, yungsho Israel ching mihbukmuyuk müngü, Atungpuh arü Thrünpuh ju arü lung lah, tüsho api ju arü kiulongthsüpuh ah de azhikhi arü bolung lah.

ROMRÜ KILIM PAULNÜ ATHRÜTKHI KIHÜM HUHTANYU 5:21

junangde neaknü ashekhi ching yakzan shuhkhi ruk, isa Atungpuh Jisu Khrista hode mihmüthsümnü lün rhangdung lim thiyuro-lungki yande yakzan shuhbah.

YUZÜNGTHALO 5:10

tüshe I muzhorü tüsho I yukhüm anirü; chithürübo kilim amüthsüm huhchoh.

YUZÜNGTHALO 5:9

nünü arü ki dükhukning yungsho dütankih; tümüde I Atungpuh nüsa Thrünpuh, mükthsübuh Thrünpuhnü bebuhrü neak lün mahsam tüsho phüyi khiungde I thraneanrübo rhua kheahchoh,

YUZÜNGTHALO 7:10

tüshe api thraneanrü thsümüchipü apinü mudukiuhlo.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;