WÜHKHE 14:14 - AMÜSÜH HÜM CL Bible (BSI)

¹⁴ tüsho arübonü ha dünkheak ju lomi ching larübo ki thabah. O Atungpuh , nü ha mihtsürübo lung lah de arünü so, Atungpuh , nü mironü miro ngü tüsho nü yo amo arü kumung zhip; tüsho animung amo dungto chingnü tüsho are mo dungto chingnü arü mikhuh nü yüchoh.

WÜHKHE 14:14 Iomraidhean Croise

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

NEHEMIA 9:12

Animung amo dungtonü nünü arü be tüsho mo dungtonü azhing ching arü limro yinshih.

NEHEMIA 9:19

Nünü arü sunglo dang ching mübahjih, tümüde nü amüthsüm ju ato. Animung tüsho azhing limro huhkhi amo dungto yungsho mo dungto nünü lubah mutso.

MUNGSHIKHÜN 105:39

Apinü aliudokhi amo shoshih, tüsho azhing ching ayin jihpü mo lakheah.

MUNGSHIKHÜN 78:14

Apinü arü animung amonü, tüsho are amuyung mo ayinnü be.

ABEKHIT 15:14

Mihtsürübonü sodo, arünü ajan; Filistia ching larü trede kam.

ABEKHIT 33:11

Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

ABEKHIT 33:16

Nü isa lung müyüsho, nü mihtsürü tüsho I nü miki mihmüthsüm ngüdo de küde thsah amükheahpü? Nü mihtsürü tüsho I, alomi ching lakhi mihtsürü alala kheaknü büthsükhi labah.”

ABEKHIT 40:38

Tümütüsho Israel yamkhün alala miki, arü hantsahkhi amuyung, Atungpuh amo ju animung arüngkhimyam kumung la, tüsho azhing ching ju kumung mo lakheah.

WÜHKHE 10:34

tüsho arü binkheampung chingnü tsahmusuchoki animung Atungpuh amo arü kumung lakheah.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 14:9

Jisunü api ki tha, “Philip, I nüsa lung khide ruhde lado, tüsho kheaküshe nünü I mümükheah de? Shepünü I ngüdünü I Buh ngüdo; jumonü küde thsah nünü, ‘Isa ki Abuh huhang,’ de thacho?

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

YUZÜNGTHALO 1:19

“Jumonü isa Horeb chingnü akhinde nüsanü angükhi ato tüsho atrebe sunglobo Amorrü wungbo limro lim, Atungpuhnü isa ki thiyukhüm jihkhi nangde yü. Jushu isa Kadeshbarnea khiung.

YUZÜNGTHALO 34:10

Tüshe Jushu a Israel ching Atungpuhnü mironü miro mükheahkhi Mosa nangde wukihrü masürü,

YUZÜNGTHALO 5:24

Tüsho nüsanü tha: Tsükjide Atungpuh isa Thrünpuhnü api müretahkhi tüsho api tokhi isa ki huhdo, tüsho isanü api düsheak mo phulungnü sodo. Khihni Thrünpuhnü mihtsürü ki asukachihkhi isanü ngüdo; tüsho api rhangdung lah.

YUZÜNGTHALO 5:4

Awung kheak mo phulungnü Atungpuhnü nüsa ki mironü miro ki asukachih.

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.