WÜHKHE 13:33 - AMÜSÜH HÜM CL Bible (BSI)

³³ Tüsho isanü ju ching Nephilimrü ngüdo (Nephilim chingnü arükhi Anak tsührübo); tüsho arü miki isabo sangyü-tangkhobo ruk lang kamdo.”

WÜHKHE 13:33 Iomraidhean Croise

THRÜNTAN 6:4

Judüki alomi ching Nephilimrübo lakheah, tüsho ju dunglim Thrünpuh tsührübonü mihtsürü tsührübebo kheak müyam tüsho arü kilim tsührübo zübejih. Jurübo adüsonü athrungrü tüsho mungkhung mihtsürübo lakheah.

1 KIUTHSÜYUKHEAN 11:23

Tüsho apinü Ijiprü atoshang mihtsürü, ashanglim khahnap 5 lakhi laksah; Ijipbuhnü akhah ching thsüh ju dükim nangde shuh; tüshe Benaianü tso khülang shuhbah api azhihde yübah thsüh ju Ijipbuh khah chingnü jangkhia lujih, tüsho anihbuh thsühnü api laksah.

ISAIA 40:22

Api alomi mühean kumung kheak binlah tüsho ju ching larübo sangyü-tangkho nangde lah; Shepünü thüningbo zhindokhim nangde thoshangcho, tüsho lapung khimyam nangde zünglangcho;

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

WÜHKHE 13:28

Kheaküshe, ju ching lakhi mihtsürübo müranglah; kiutobo ju ayündolah tüsho amülakbo ah; kheaküshe ju ching isanü Anak tsührübo ngüdo.

WÜHKHE 14:1

Judüki boto alalanü düsheak achangnü zhi; tüsho mihtsürübo ju re trip.

YUZÜNGTHALO 1:28

Isa küching yükhukpü? Isa keoniorübonü isa mulong ninishihde tha, Mihtsürübo isa kheaknü atoshang ah; kiutobo thüning khiungde chipi ayünlah; kheaküshe isanü ju ching Anakim tsührübo ngüdo.

YUZÜNGTHALO 2:10

(Adüso ju ching mihtsürü ato tüsho wüh hihkhi Anakim nangde Emimrü lakheah.

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

YUZÜNGTHALO 9:2

Anakim tsührü-tsührü, mihtsürü ato tüsho ashang, sherü nüsanü mükheahla tüsho tha, Shepünü Anak tsühsoniuso müngüh zhipkhukpü?

JIHUSUA 11:21

Judüki Jihusuanü yübahle atoshang mihtsürü Anakim de ajikhi trük awung lomi ching larü Hebron, Debir, Anab, tüsho Juda le Israel awung lomi ching larübo laksahkham; Jihusuanü arübo laksahkham tüsho arü kiutobo thsümünimjih.

JIHUSUA 14:12

Jumonü ju nimung Atungpuhnü athakhi nangde kheakü ha awung lomi I kilim jihang; tümüde Anakimrü künangde chipi düküngde kiutobo ching lakheanü nünü ju nimung sodo; khükijua Atungpuh I lung labah, tüsho Atungpuhnü athakhi nangde inü arü yankhita bahbah.”

JIHUSUA 15:14

Tüsho ju kiuto ching larü Anak tsührü mahsam Sheshai, Ahiman tüsho Talmai ju Kalebnü yankhitabah.

1 SAMUEL 17:24

Küyimki Israelrünü mihtsürü ju angükheanü, alala müyinnimde shande tso.

1 SAMUEL 17:42

Küyimki Goliathnü David ngükhea, apinü münejih, tümüde api athunu, mürümmürido tüsho trungdung atsü lakheah.