WÜHKHE 13:29 - AMÜSÜH HÜM CL Bible (BSI)

²⁹ Amalekrü düjing lomi ching lah, Hitrü, Jebus, tüsho Amorrübo awungbo ching lachoh; tüsho Kananrü Mediterranean keto yean le Jordan keto yean ching lah.”

WÜHKHE 13:29 Iomraidhean Croise

THRÜNTAN 14:7

Jushu arübo rholo tüsho Enmishpat (ju Kadesh) lim yü, tüsho Amalekrü lomi alala, Hazezontamar ching larü Amorrü she kukabah.

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

MUNGSHIKHÜN 83:7

Geba, Amon, tüsho Amalek; Tair ching larü bede Filistia;

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

WÜHKHE 13:17

Jumonü Mosanü arübo Kanan lo züta kheahpü thiyi, tüsho arü ki tha, “Negeb hode awung lomi ching yüang,

WÜHKHE 13:30

Kalebnü mihtsürübo düsheak makhiukshihde yankhiabah tüsho Mosa ki tha, “ Isa khülang ki wutubah alo ju luanü tümüde isanü ju ayankhikhukbah.”

WÜHKHE 14:25

Kheakü Amalekrü tüsho Kananrü jindükhün ching lachoh, shido rholoang tüsho Amürüm Keto limro yande sunglo lim tsahmusuang.”

WÜHKHE 14:43

Tümütüsho Amalekrü tüsho Kananrü nüsa müngüh lah, tüsho nüsa nukshangnü akeamshihbah; tümütüsho nüsanü Atungpuh kheaknü alode tsodo, Atungpuh nüsa lung lapü yung.”

WÜHKHE 14:45

Tüsho ju wung ching larü Amalekrü le Kananrü akibah arü yanyukabah tüsho Horma khiungde yande müsham.

WÜHKHE 24:20

Judüki Balaamnü Amalekrü kheahbah müchit: “ Amalek ju trükshih bolung akhuhbuh lakheah, tüshe akheam ju a lünnü adükheakbah.”

YUZÜNGTHALO 20:17

Tüshe Atungpuh nüsa Thrünpuhnü thiyukhüm jihkhi nangde harü shahde dükheakshang: Hitrü, Amorrü, Kananrü, Perizrü, Hivrü tüsho Jebusrü,

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 10:5

Judüki Amorrü kiulongthsürü phüngü, Jirusalem, Hebron, Jarmuth, Lakish, tüsho Eglon kiulongthsürü bolung thirithsürübo bebah Gibeon zündo tüsho bede keochih.

JIHUSUA 10:6

Tüsho Gibeonrünü Gilgal binkheampung ching Jihusua kilim thiyusheak yüshih, “Nü yamlarübo dübahyuk; isa kilim nahde atuang, isa khümkhitang, tüsho isa rungang; tümüde awung lomi ching larü Amorrü kiulongthsürü alala isa azhihde shomukhunga lah.”

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

JIHUSUA 5:1

Israelrü muhoyichoki khiungde Atungpuhnü Jordan ngahshihdo de Jordan aniyüzahlim Amor kiulongthsürü, tüsho Mediterranean keto yean Kanan kiulongthsürübo alalanü so. Israelrü dünkheaknü arübo trede mulong niuthünak tüsho arü me sühmüh mülade kam.

JIHUSUA 9:1

Israelnü akukkhi yusheak Jordan aniyüzahlim kiulongthsürübo awungbo ching, lokeam lobo ching, tüsho Lebanon aku limpeang Mediterranean keto yeanbo lakhi ching soride yü, jurübo ju Hitrü, Amorrü, Kananrü, Perizrü, Hivrü tüsho Jebusrü kiulongthsürübo lakheah.

MAHKHAPRÜ 3:5

Junangde Israelrü ju Kananrü, Hivrü, Amorrü, Perizrü, Hitrü tüsho Jebusrü lung lakheah.

MAHKHAPRÜ 6:3

Küyimki Israelrü mükheande alakhea, Midiarü le Amalekrü tüsho aniakhiuklim mihtsürünü atubah arü yan;

1 SAMUEL 14:48

Apinü mulong tode rhimo, tüsho Amalekrü laksah, tüsho Israelrü arü yanrü khah chingnü khümkhit.

1 SAMUEL 27:8

Kheakü David tüsho api mihtsürübo wutubah Geshurrü, Girzrü tüsho Amalekrü bede keochihpü thsakham; tümüde harübo ha Telam chingnü Shur tüsho Ijip lomi limro lo ching larübo ah.

1 SAMUEL 30:1

Kheakü küyimki David tüsho amihtsürübo nimung asampü ching Ziklag ching arükhea, Amalekrünü Negeb tüsho Ziklag bede keochihpü thsakhama lakheah. Arünü Ziklag yande takabah,

1 SAMUEL 7:14

Filistiarünü Israel kiutobo lukhi Ekronnü Gath khiungde arü kilim jihlokham; tüsho Israelnü arü lo Filistiarü khah chingnü lulo. Judüki Israel tüsho Amorrü dükeak she mungtsü lakheah.