WÜHKHE 13:27 - AMÜSÜH HÜM CL Bible (BSI)

²⁷ Tüsho arünü Mosa ki tha, “Nünü athiyikhi lomi ching isa yüdo. Dükde ju ching niuhke tüsho mukhuke bukchoh, tüsho ha ju ching yo sangaso ah.

WÜHKHE 13:27 Iomraidhean Croise

NEHEMIA 9:25

Müküpde chipi ayünkhi kiutobo, lotsülo, lakhitnü amikhi yambo, kiua lakhi kekhipbo, tüsho kurungasolu, oliv dungbo, nü mihtsürübonü yankhia lu. Arü künkhi tsühde shihkih; nünü ajihkhi kukruk atsübo ching arü reangkeamde asüh. @1-LINE- SP ACE=

ABEKHIT 13:5

Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 33:3

Niuhke tüsho mukhuke bukkhi lomi ching wutuang; tüshe I a nüsa bolung matu, jude yungsho inü nüsa limro ching dükheakshihbah tümüde nüsa anihnih mihtsürü ah.”

JEREMIA 11:5

junangde khihni lakhi nangde nüsa jipürü ki niuhke tüsho mukhuke bukkhi lomi jihpü thiyuchihchimkhi inü arhimobah. Judüki inü alo, “Jude thsang, Atungpuh .”

JEREMIA 32:22

tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

EZEKIEL 20:15

Kheaküshe inü arü kilim jihkhi lomi, niuhke tüsho mukhuke bukkhi lomi, khide akhamkhi lomi ching bede marüpü arü ki inü sunglo ching thiyuchihchim thsü,

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

WÜHKHE 14:7

tüsho Israel mihtsürü boto ki tha, “ Isanü züta kheahde hode ayükhi lo ju khide tsüdaklah.

WÜHKHE 14:8

Atungpuhnü isa kheak asühsho, apinü isa ha lomi ching bede ayübah tüsho niuhke le mukhuke bukde alakhi lomi ju isa kilim jihbah.

WÜHKHE 16:13

Niuhke tüsho mukhuke bukde alakhi Ijip lo chingnü isa bekhitbah sunglo ching laksahpü thsükhi, tüsho nünü isa kurungkheak atungrü thsükhi ha anikhüh ah de lümchoshi?

WÜHKHE 16:14

Kheaküshe nünü isa niuhke tüsho mukhuke bukpung lo ching bede marü, yungsho thulu le kurungasolu yamrüplurüp isa kilim müjih. Nünü harü mihtsürü mükji khünkhita bahjihpü? Isa matu!”

YUZÜNGTHALO 11:9

tüsho junangde Atungpuhnü nüsa jipürü tüsho arü tsühsoniuso kilim jihpü thiyuchihchimkhi niuhke tüsho mukhuke bukde alakhi lo ching nüsa kutsüpde alabah.

YUZÜNGTHALO 26:9

tüsho apinü isa ha dangpung ching bede arübah ha niuhke tüsho mukhuke bukkhi lomi isa kilim jih.

YUZÜNGTHALO 27:3

Küyimki nüsa hode yübah Atungpuh nüsa Thrünpuhnü ajihkhi niuhke tüsho mukhuke bukkhi lomi ching nüsa jipürü Thrünpuhnü nüsa kheak thiyuchihchimkhi nangde yüzahbanü nüsanü ha yakzan jurübo kheak thrütang.

YUZÜNGTHALO 31:20

Küyimki arübo inü arü jipürü kheak thiyuchihchimkhi, niuhke tüsho mukhuke bukkhi lo ching bede ayübanü, tüsho arünü bukthsüde tsühbah shih kihbanü; judüki arünü püpürü thrünpuhbo kilim anguhde yübah atankihbah; tüsho arünü I bahyukbah tüsho tangzüngkhi thsümünimbah.

YUZÜNGTHALO 6:3

Jumonü O Israel aniang, tüsho ha yande arhimopü kümkangang, junangde nüsa tsüde alabah, tüsho Atungpuh nüsa bebuhrü Thrünpuhnü nüsa ki thiyuchihchimkhi nangde niuhke tüsho mukhuke bukde alakhi lomi ching tode wüh bubah.

JIHUSUA 5:6

Tümüde thirithsürü mihtsürü Ijip chingnü akhiukkhi müshekhamyi khiungde Israelrü sunglo ching kam yirü tsah, tümütüsho arünü Atungpuhnü athakhi mani; Atungpuhnü arü jipürü ki niuhke tüsho mukhuke bukkhi lo jihpü thiyuchihchimkhi arünü müngüshih de Atungpuhnü thiyuchihchim.