WÜHKHE 12:8 - AMÜSÜH HÜM CL Bible (BSI)

⁸ Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

WÜHKHE 12:8 Iomraidhean Croise

THRÜNTAN 32:30

Jakobnü ju dangpung mung Peniel de ji: “Tümüde inü mironü miro Thrünpuh ngüdo, tüshe I rhangdung aninga lah.”

MUNGSHIKHÜN 17:15

I thsungkheak a, inü nü miro thiyuro-lungki ching ngübah; küyimki I asürübanü nü jak ngükhi hode I reangkeambah.

MUNGSHIKHÜN 49:4

Inü müchitmudu lim I nükhün anguhbah; bingshang khungde inü jurü amütsanbo thanakbah.

ABEKHIT 19:19

Tüsho küyimki hulipungpung shangde mütbah achangbe tüsho achangbe kamkhea, Mosanü asuk, tüsho Thrünpuh düsheaknü api ki alo.

ABEKHIT 20:4

“Nünü nü thsungkheak thüning, yungsho alo kheak lakhi, yungsho ke ching lakhi tümükhüh kiphahde sangthsü düthsü;

ABEKHIT 33:11

Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

ABEKHIT 33:19

Tüsho apinü alo, “Inü nüsa müngüh I müretahkhi hoshihbah, tüsho inü nüsa müngüh Atungpuh mung zhiyukbah. Inü sherü kheak mihmüthsüm labanü mihmüthsüm labah, tüsho sherü kheak mihmuzho labanü mihmuzho labah.”

ABEKHIT 33:23

Jushu inü I khah luakhinbah, tüsho nünü I thründuk ngübah; tüshe I miro müngü.”

ABEKHIT 34:30

Küyimki Aron tüsho Israelrü alalanü Mosa ngükheanü api miro zhingzhingde alakheah, tüsho arünü api thüninde arüpü tre.

MÜCHITMUDU 1:6

müchitmudu tüsho shihdanglimyubo, lümlung thakhibo tüsho lümlung müchitbo anikhitpü thsungkheak.

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 46:5

Nünü I she kheak jak akeba tüsho arihshihba, tüsho isa rukhüh nangde akeakheahba?

EZEKIEL 17:2

Mihtsürü tsührü, Israel yamkhün ki lümshangmang khülang keoang tüsho shihdanglimyu khülang thaang.

EZEKIEL 20:49

Judüki inü tha, “Ah, Wuto Atungpuh ! Arünü I dünkheak thachoh, ‘ Apinü shihdanglimyu thachoh yung de?’ ”

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.

WÜHKHE 14:14

tüsho arübonü ha dünkheak ju lomi ching larübo ki thabah. O Atungpuh , nü ha mihtsürübo lung lah de arünü so, Atungpuh , nü mironü miro ngü tüsho nü yo amo arü kumung zhip; tüsho animung amo dungto chingnü tüsho are mo dungto chingnü arü mikhuh nü yüchoh.

WÜHKHE 7:89

Küyimki Mosanü Atungpuh ki asukachihpü ashorupung khimyam ching yüzahkhea, tangzüng sangdan kheak lakhi akhidobe cherubim mahne dükeaknü api ki thakhi düsheak so; ha ruk apinü anihbuh kheak asuk.

MATHI 13:35

junangde wukihrünü athakhi dünjipü lakheah: “Inü shihdanglimyubo ching I mün khimshuhbah; alomiküp khimtanchokinü rama lakhi inü athabah.”

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

YUZÜNGTHALO 18:15

Atungpuh nüsa Thrünpuhnü nüsa thsungkheak wukihrü I nangde nüsa tüsho keoniorü bolungnü akhiukshihbah. Nüsanü api ki anibah.

YUZÜNGTHALO 34:10

Tüshe Jushu a Israel ching Atungpuhnü mironü miro mükheahkhi Mosa nangde wukihrü masürü,

YUZÜNGTHALO 4:15

“Nüsa thsungkheak kümkangang, tümüde Horeb ching mo phulungnü Atungpuhnü nüsa ki asukachihchoki ajak müngü,

YUZÜNGTHALO 5:8

Nünü nü thsungkheak tümükhüh sangthsü, yungsho thüning le alomi yungsho alomi bukkhüp ke ching lakhi tümükhüh kiphahde düthsü;

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 1:1

Adüso kim tüsho limro ahihdo chingnü wukihrübo hode Thrünpuhnü isa jipürü ki asuk;

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

2 PETER 2:10

adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

JUDNÜ ATHRÜTKHI KIHÜM HUHTANYU 1:8

Tütüshe hadürü yakli ching harü mihtsürübonü arü milimnü shihphü münean, thiyukhüm-sühmüh bahyuk, tüsho müretahkhibo azhih.