WÜHKHE 11:29 - AMÜSÜH HÜM CL Bible (BSI)

²⁹ Tüshe Mosanü alo, “Nünü I dünkheak mükthsücho shi? Atungpuhnü amihtsürü alala kheak ame yükihshihbah wukihrübo nangde zhishang shi de inü lümlah!”

WÜHKHE 11:29 Iomraidhean Croise

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

JOEL 3:1

Tümüde, ju nimungbo tüsho ju kim ching, küyimki inü Juda tüsho Jirusalem kuhi jihlobanü,

WÜHKHE 11:30

Tüsho Mosa le Israelrü azothsürü nerünü binkheampung lim alode yü.

LUKNÜ ATHRÜTKHI THIYUSHEAK-ATSÜ HUHTANYU 10:2

Judüki apinü arü ki tha, “Yimlupü tode lah, tüshe rhimorü nüklah; jumonü yimlupü ching rhimorü thiyishihpü yimlu putungpuh ki tamkhüntamnüang.

YUNIRÜBO RHIMO 26:29

Tüsho Paulnü alo, “Kim khihang yungsho shangang, harü arhükkhibo kheak hode, nü lang yung tüshe khihni I ki anirü alala I nangde akampü inü Thrünpuh ki tamkhüntamnüchoh.”

1 KORINT 13:4

Amuzho ju arümkheam tüsho lümrhihkhi; amuzho ju mükthsü yungsho lülüshishi yung;

1 KORINT 14:5

Kheakü inü nüsa alalanü thiyutha ching thashihnelah, tüshe alü müchitshihnelah. Athanakrü khürü labah borü düküngshihpü müthsüsho, shepünü müchitchonü thiyutha chingnü atharü kheaknü atobe ah.

1 KORINT 3:21

Shenü she mihtsürü dünkheak dükükheang. Tümütüsho alala nüsa yo ah:

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

FILIPI 2:3

Yihnelune yungsho shilode tümü she düthsü, tüshe azhihayih chingnü nü kheaknü püpürü atsübe khejang.

JAKOB 4:5

Yungsho amüsühyunü, “Thrünpuhnü isa kheak lashihkhi menü mükthsüpü künchoh,” de athakhi akeangkeang ah de nüsanü lümcho shi?

JAKOB 5:9

Keoniorübo, nüsa thiyumükhappü thsüde khülangnü khülang azhihde datsangachih; kheahang, Thiyukhaprü khimdopü ki zhiplah.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 SAMUEL 10:6

Jushu Atungpuh me nü kheak labah, tüsho nü she arü lung müchitmudude akambah tüsho mihtsürü püpü kambah.