WÜHKHE 11:25 - AMÜSÜH HÜM CL Bible (BSI)

²⁵ Tüsho Atungpuhnü amo ching akibahle api ki asukachih, tüsho api kheak lakhi me khürü lubah azothsürü nerü kheak yukjih; tüsho küyimki me ju arü kheak keamkhea, arünü müchitmudupü tankih. Tüshe kim ashang thsungkheaknü yung.

WÜHKHE 11:25 Iomraidhean Croise

2 KIULONG THSÜRÜ 2:15

Küyimki Jirikho ching larü wukihrü bokhühnü api limshu chingnü angükhea, arünü tha, “Elija me Elisha kheak yükih-a lah.” Arünü api shorupü arü tüsho api miki alo kheak mükhüm.

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 99:7

Apinü amo dungto chingnü arü ki asuk; arünü apinü arü kilim jihkhi tangzüngbo tüsho thiyuzüngbo zo.

ABEKHIT 32:32

Kheakü muzhobah arü neak bahjang; jude yungsho, nünü athrütkhi hüm chingnü I nankhita bahang.”

ABEKHIT 34:5

Judüki amo ching Atungpuh aki tüsho ju ching api ki zhipbah Atungpuh mung mükheahshih.

ABEKHIT 40:38

Tümütüsho Israel yamkhün alala miki, arü hantsahkhi amuyung, Atungpuh amo ju animung arüngkhimyam kumung la, tüsho azhing ching ju kumung mo lakheah.

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

EZEKIEL 8:11

Jurü mikhuh ching Israel yamkhün azothsürübo 70 zhip tüsho Shaphan tsührü Jaazania arü bolung zhipde alakheah. Mihbüm aban khah ching mophüh lakheah, tüsho rhümthünea mokhüh liukihde alakheah.

WÜHKHE 11:17

Tüsho I akibahle ju ching inü nü kheak asukachihbah, tüsho nü kheak lakhi me khürü inü lubah arü kheak yukjihbah; tüsho arünü mihtsürü hahmülang nü lung hanrungbah, junangde nü zangrünü lang mühan.

WÜHKHE 12:5

Tüsho Atungpuhnü amo dungto ching akhiukbahle arüngyam ripit ki zhip tüsho Aron le Miriam büne ji: tüsho ane chido mikhuhlim yü.

WÜHKHE 16:25

Mosanü asürübahle Dathan, Abiram tüsho api jingyanrü Israelrü azothsürübo kilim yü.

WÜHKHE 24:2

Tüsho Balaamnü amük züngkihbah kheahshe Israelrübo trük binkheamde ngü. Tüsho Thrünpuh memüsüh api kheak arü,

WÜHKHE 27:18

Tüsho Atungpuhnü Mosa ki tha, “Nun tsührü Jihusua, me lakhi mihtsürü nünü bedarübah nü khah api kheak nimang;

YUNIRÜBO RHIMO 11:28

Tüsho arü bolung khülang amung Agabanü zhipbah alomiküp alala ching khümzung labah de me hode müchit; tüsho ha Klaudia kim ching dünji.

1 KORINT 14:32

tüsho wukihrü mebo ju wukihrübonü adanyukkhi khüp labah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

MAHKHAPRÜ 3:10

Atungpuh me api kheak arü, tüsho apinü Israel mahkhap; api thirithsü ching yü, tüsho Atungpuhnü Mesopotamia kiulongthsüpuh Kushan-rishathaim api khah ching jihde akuk ngüshih.

1 SAMUEL 10:10

Küyimki arü ju chingnü Gibeath lim yüde alakhea, wukihrü boto khülangnü api shoru; tüsho Thrünpuh me api kheak la, tüsho api she arü bolung müchitmudude kam.