WÜHKHE 11:23 - AMÜSÜH HÜM CL Bible (BSI)

²³ Atungpuhnü alo, “Atungpuh khah thamalah düpü? Kheakü nü thsungkheaknü I yu dünjinahnü nünü angübah!”

WÜHKHE 11:23 Iomraidhean Croise

THRÜNTAN 18:14

Atungpuh thsungkheaknü tümükhüh khide chakla de? Münchikhi kim ching shikam I nü kilim alode arübah, tüsho Sara tsührü khülang labah.”

2 KIULONG THSÜRÜ 4:43

Tüsho api yamlabuhnü tha, “Inü küde thsah ha mihtsürü 100 müngüh zojihpü?” Jumonü apinü thalo, “Ju mihtsürübo kilim jihang tüsho arübo tsühshang, tümüde Atungpuhnü ha thachoh, ‘ Arünü atsühbah tüsho khürü aningbah.’”

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

MUNGSHIKHÜN 78:41

Arünü alochode api rükaki, tüsho Israel Amüsüh Khülang bukakhiukshih.

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 59:1

Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang.

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

JEREMIA 32:27

Kheahang, I Atungpuh , mihtsürü alala Thrünpuh; tümükhüh I thsungkheaknü khide chakla shi?

EZEKIEL 12:25

Tüshe inü tümü lümbanü, I Atungpuhnü asukbah, tüsho ju muzhomade adünjibah. Tümüde nü nimungbo ching, O azhih yamkhün, inü tümüpürü thachonü inü adünjishihbah, Wuto Atungpuhnü thachoh.

EZEKIEL 24:14

I Atungpuhnü asukdo; kim arüchoh, inü rhimobah. Inü mutsomuwuh, inü maningshih, inü mülümalo. Nü limrobo tüsho nü rhimobo yande inü nü mahkhapbah, Atungpuh Thrünpuhnü thachoh.

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

MIKA 2:7

Ha athabea de, O Jakob yamkhün? Atungpuh arümkheamkhi kheama la de? Harübo api rhimobo a de? Lungkide atsahrü ki I yubonü atsü mürhimo de?

WÜHKHE 11:22

Arünü reangkeamshihpü thsüde moshibo tüsho mihnubo laksahba shi? Yungsho keto ching lakhi thüngühbo hanmukhungbah arü reangkeamshihba shi?”

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

MATHI 19:26

Tüshe Jisunü arü kheak kheahbah tha, “Mihtsürü thsungkheak ha amukukbe, tüshe Thrünpuh thsungkheak a alala akukbe lah.”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

LUKNÜ ATHRÜTKHI THIYUSHEAK-ATSÜ HUHTANYU 1:37

Tümüde Thrünpuh kilim tümü amukukpü müla.”