WÜHKHE 11:22 - AMÜSÜH HÜM CL Bible (BSI)

²² Arünü reangkeamshihpü thsüde moshibo tüsho mihnubo laksahba shi? Yungsho keto ching lakhi thüngühbo hanmukhungbah arü reangkeamshihba shi?”

WÜHKHE 11:22 Iomraidhean Croise

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

WÜHKHE 11:13

Inü hadükhüh mihtsürü kippü shih küchingnü angüba? Tümüde arübonü I ki tripde thachoh, ‘ Isa kilim shih tsühpü jihang!’

WÜHKHE 11:21

Tüshe Mosanü tha, “ I ha ching mihtsürü 600,000 bebah tsahchoh, tüsho nünü arü kilim khinu khülang tsühpü shih jihbah de thachoh!

WÜHKHE 11:23

Atungpuhnü alo, “Atungpuh khah thamalah düpü? Kheakü nü thsungkheaknü I yu dünjinahnü nünü angübah!”

MATHI 15:33

Api jingyanrübonü alo, “Yimto hadükhüh kippü thsüde ha azhik dangpung ching isanü yikhap suhdahde küchingnü angüba?”

MARK 6:37

Tüsho arünü api ki tha, “Nünü isa yübah shotoyinchi 200 bahde arü kippü yikhap thuloshihpü mulongla de?”

MARK 8:4

Judüki api jingyanrübonü alo, “Harü mihtsürü bukthsüshihpü thsüde ha sunglo ching küde thsah yikhap suhdahde angüpü?”

LUKNÜ ATHRÜTKHI THIYUSHEAK-ATSÜ HUHTANYU 1:18

Zakarianü yunirü ki tha, “Ha inü küde amükheahba? Tümüde I lel niube khide shina lah.”

LUKNÜ ATHRÜTKHI THIYUSHEAK-ATSÜ HUHTANYU 1:34

Judüki Marinü yunirü ki tha, “I atsangkhit anünürü a le ha küde alapü?”

JOHAN 6:9

“Ha lim azürü khülangnü Barli yikhap 5 tüsho thüngüh 2 de lah, tüshe junü hadükhüh külungki athsangpü?”