WÜHKHE 11:20 - AMÜSÜH HÜM CL Bible (BSI)

²⁰ tüshe khinu khülang amuyung, nüsa mulongmüngüm arüde tüsho mumukhiukyi khiungde atsühbah, tümütüsho nüsa bolung lakhi Atungpuh nüsanü bahyukdo tüsho api ki tripde tha, ‘ Isa tümü thsüpü Ijip chingnü akhiukkheaki?’ ”

WÜHKHE 11:20 Iomraidhean Croise

2 SAMUEL 12:10

Kheakü jumonü nukshang nü yam chingnü küyimkishe müchamachih, tümüde nünü I mükhemükimdo, tüsho Hitbuh Uria niube nü niube thsüpü ludo.

MUNGSHIKHÜN 106:15

Tüsho apinü arü kilim arünü amushukhi jih, tüshe arü kheak atrebe tukthsü yüshih.

ABEKHIT 16:13

Arelim wuhkhibo arü tüsho binkheampung müjimdo; tüsho yapsu binkheampung mükamde ayinke lakheah.

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

ABEKHIT 16:8

Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

MÜCHITMUDU 27:7

Küyimki nü bukthsübanü, nünü mukhuke thsunglobah, tüshe küyimki nü akhümbanü, tsühyungbe akhüh she aniung tsühkhitchoh.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

WÜHKHE 11:13

Inü hadükhüh mihtsürü kippü shih küchingnü angüba? Tümüde arübonü I ki tripde thachoh, ‘ Isa kilim shih tsühpü jihang!’

WÜHKHE 11:19

Nüsanü nimung khülang, yungsho nimung mahne, yungsho nimung phüngü yungsho nimung thürü, yungsho nimung muku lang mütsüh,

WÜHKHE 11:21

Tüshe Mosanü tha, “ I ha ching mihtsürü 600,000 bebah tsahchoh, tüsho nünü arü kilim khinu khülang tsühpü shih jihbah de thachoh!

WÜHKHE 14:3

Tümüde Atungpuhnü isa ha lo ching nukshangnü asheshihpü bede yücho le? Isa niuberü tüsho isa tsührübo laksahkhambah; isa Ijip lim alode ayükhipü atsübe thsüba shi?”

WÜHKHE 14:4

Jumonü arünü khülangnü khülang kheak thaachih, “ Isanü wühkenorü mokhitanü, tüsho Ijip lim alode yüanü.”

WÜHKHE 16:13

Niuhke tüsho mukhuke bukde alakhi Ijip lo chingnü isa bekhitbah sunglo ching laksahpü thsükhi, tüsho nünü isa kurungkheak atungrü thsükhi ha anikhüh ah de lümchoshi?

WÜHKHE 20:4

Tümüde nünü Atungpuh boto ha sunglo ching bede atunü isa tüsho shiwühbo ha ching sheshihpü thsükhea?

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

YUNIRÜBO RHIMO 13:41

‘Kheahang, nüsa luhmünerübo! Müyinsahang tüsho sheang! Tümüde khürünü thanaka huhhuh she nüsanü akin mülapü thsüde inü rhimochoh!’ ”

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

JIHUSUA 24:27

Jihusuanü mihtsürü alala ki tha, “ Kheahang, ha lungnü isa thiyumütsan thsübah; tümüde Atungpuhnü isa ki thakhi yu alala sodo; jumonü nüsa Thrünpuh kheak thiyuro mülasho hanü nüsa azhihde thiyumütsan thsübah.”

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.