WÜHKHE 11:2 - AMÜSÜH HÜM CL Bible (BSI)

² Tüsho mihtsürübonü Mosa ki zhi; tüsho küyimki Mosanü Atungpuh ki tamkhüntamnükheanü mo ju mütabah.

WÜHKHE 11:2 Iomraidhean Croise

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

ABEKHIT 10:18

Jumonü apinü Pharao kinü wukhiuk tüsho Atungpuh ki tamkhüntamnü.

ABEKHIT 34:9

Apinü tha, “O Atungpuh , I nü miki mihmüthsüm ngüa lasho, isa anihnih mihtsürü thsüa lalashe Atungpuh isa lung yüang de inü tamkhüntamnüchoh; isanü alakmihkhi tüsho isa neak bahjang tüsho nü yamrüplurüp nangde isa luang.”

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 37:3

Kiulongthsüpuh Zedekianü Shelemia tsührü Jehukal tüsho Maaseia tsührü amükeambuh Zephania wukihbuh Jeremia kilim yüshihde tha, “Muzhobah Atungpuh isa Thrünpuh ki isa thsungkheak tamkhüntamnüjang.”

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

WÜHKHE 12:11

Tüsho Aronnü Mosa ki tha, “O I tungpuh ike düthsümüchi tümütüsho ikenü mudukmükede neak yihbeakdo.

WÜHKHE 12:13

Jumonü Mosanü Atungpuh ki zhide tha, “O Thrünpuh, alibe thsüngujang de inü nü ki mushuchoh.”

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

YUNIRÜBO RHIMO 8:24

Tüsho Simonnü alo, “Nünü athakhi tümü she I kheak marüpü I thsungkheak Atungpuh ki tamkhüntamnüjang.”

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

1 JOHAN 5:16

Khürünü nihbuh keoniorü ashepü müthsüde neak yihbeakde ngüsho, apinü tamkhüntamnüjang tüsho Thrünpuhnü api kilim rhangdung jihbah. Inü ha amüshebe neak ki thachoh. Ashepü thsüde neak khülang lah. Ju dünkheak apinü tamkhüntamnübeah de inü thachoh yung.