WÜHKHE 10:9 - AMÜSÜH HÜM CL Bible (BSI)

⁹ Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

WÜHKHE 10:9 Iomraidhean Croise

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

2 KIUTHSÜYUKHEAN 13:14

Küyimki Judarünü rholokhea, thirithsü ju arü müngüh tüsho arü dunglim lakheah. Arünü Atungpuh ki zhi, tüsho amükeamrübonü hulipungpungbo müt.

MUNGSHIKHÜN 106:4

O Atungpuh , nünü nü mihtsürü rungchoki I lümkhitang; nü akhümkhit bede I rhua kheahang,

MUNGSHIKHÜN 106:42

Arü riribonü arü juno, tüsho arü khah ching laabahshih.

MUNGSHIKHÜN 136:23

Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 4:21

Külokhüh inü keochihkhi ngüba tüsho hulipungpung düsheak soba?

JEREMIA 4:5

Juda ching thakhiang, tüsho Jirusalem ching zhiyukang tüsho thaang. Lomi alala ching hulipungpung mütang; achangnü ahoang tüsho thaang, “ Rukhüh mukhungang, tüsho isanü chipi ayünkhi kiutobo ching yüzahanü!”

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

EZEKIEL 7:14

Arünü hulipungpung mütmüt she tüsho lüpdükhi tsanglunglung she, sheshe keochih ching müyüzah, tümüde I mulong zhipzhip boto athrünkhi kheak lah.

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

LEVI 23:24

Israelrübo ki thaang: Khinu thüne atan nimung nüsanü sühakhimkhi, lümrhihkhi amüsüh amukhung, khungpi khungde mungang.

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

ZEPHANIA 1:16

chipi ayünkhi kiutobo tüsho amühit aheangpungbo azhihde hulipungpung mütkhi tüsho keochihde azhikhi nimung labah.

WÜHKHE 31:6

Junangde Mosanü keochihpü arübo trük aban chingnü 1000 yüshih; apinü arübo amükeambuh Eleazar tsührü Phinehas yande, amüsüh kukrukbo tüsho akhah ching amütpü hulipungpung shuhbah yüshih.

1 KORINT 14:8

Tüsho hulipungpungnü düsheak mütsande müjihsho, shepünü thirithsüpü thsakhamba?

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

JIHUSUA 6:5

Jushu arünü achangnü khülang ki mütbah, ju soakede, mihtsürü alalanü achangnü ahoang, tüsho kiuto ju alungbah. Ju yande bonungrü lüpdükhi kiuto ching buh mikhuhnü yüzahbah.”

MAHKHAPRÜ 10:12

Kheaküshe Sidonrü, Amalekrü, tüsho Maonrünü nüsa juno; nüsanü I ki zhi tüsho inü arü khah chingnü nüsa bekhit.

MAHKHAPRÜ 10:8

Ju kam ching arünü Israelrü alala Gilead ching lakhi, Amorrü lomi ching Jordan thripkhüh lakhi kam thürükheak tizheah thsümüchi tüsho juno.

MAHKHAPRÜ 2:18

Küyimki Atungpuhnü arü thsungkheaknü mahkhaprü arüshihkhea, Atungpuh ju mahkhaprü lung la, tüsho apinü arübo mahkhaprü nimungbo alala ching arü riri khah chingnü khümkhit; tümütüsho arü junode thsümüchirü dünkheaknü tüzhochoki Atungpuhnü mihmuzho huh.

MAHKHAPRÜ 3:27

Küyimki api akhiungkhea, apinü Ephraim awung lomi chingnü hulipungpung khung, tüsho Israel tsührübo awung chingnü api lung yüki; tüsho apinü arü be.

MAHKHAPRÜ 6:34

Tüshe Atungpuh me Gideon kheak arü; apinü hulipungpung müt, tüsho Abiezerrü api ki mukhungde arü.

MAHKHAPRÜ 6:9

tüsho inü nüsa Ijiprü le nüsa junorü khah chingnü bekhit, tüsho nüsa müngüh arü yanabah, tüsho nüsa kilim arü lo jih;

1 SAMUEL 10:18

tüsho arü ki tha, “Atungpuh , Israel Thrünpuhnü hanangde thachoh, ‘Inü Israel ju Ijip chingnü bekhit, tüsho inü nüsa Ijiprü tüsho nüsa junokhi kiulongthsübo khah chingnü khümkhit.’