WÜHKHE 10:29 - AMÜSÜH HÜM CL Bible (BSI)

²⁹ Mosanü Midiarü Reuel tsührü akü Hobab ki tha, “Atungpuhnü , ‘ Inü ha nüsa kilim jihbah’ de thakhi dangpung ching yüpü isa tsahmusuchoh; isa lung arang, tüsho isanü nüsa tsüde amütrübah, tümüde Atungpuhnü Israel ki atsü alokhido.”

WÜHKHE 10:29 Iomraidhean Croise

THRÜNTAN 12:7

Judüki Atungpuhnü Abram ki akhiuk tüsho tha, “Nü tsühsoniusobo ki inü ha lo jihbah.” Tüsho apinü ju ching api ki akhiukbuh Atungpuh kilim kingaün sadam khülang thsü.

THRÜNTAN 13:15

tümüde nünü angükhi lomi inü nü tüsho nü tsühsoniusobo kilim lünnü ajihbah.

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

MUNGSHIKHÜN 100:1

Nüsa lomibo alala, Atungpuh ki asühde zhiang!

MUNGSHIKHÜN 34:8

Atungpuh tsükhi rükakheahang tüsho kheahang; mihtsürü shepü api kheak tsoyukchonü asühpü.

MUNGSHIKHÜN 95:1

O arang, isanü Atungpuh ki khün thsanü! Isanü isa akhümkhit lungto ki asühachihde ahoanü.

ABEKHIT 18:1

Mosa akü Jethro, Midia amükeamrü, apinü Mosa tüsho Israelrübo Ijip lomi chingnü Thrünpuhnü küruk bekhitkheanü alala so.

ABEKHIT 18:12

Judüki Mosa akü Jethronü taka kingaünkhi tüsho laksah-a kingaünkhibo Thrünpuh kilim jih. Tüsho Aron lung Israel azothsürü alala Mosa akü lung yikhap tsühpü Thrünpuh miki arü.

ABEKHIT 18:27

Judüki Mosanü akü ju wulungshih, tüsho api nihbuh lomi lim limro ching yü.

ABEKHIT 2:18

Küyimki anünürübo ju arü abuh kilim arükhea, apinü arü ki keokhi, “Tümü thsükhi khihni a nüsa hade nahnah alungcho?”

ABEKHIT 2:21

Jumonü Mosanü ju ching lapü mulongde kam tüsho Jethronü atsührü Zippora Mosa kilim ayamkhünbe thsüpü jih.

ABEKHIT 3:1

Kheakü Mosanü Midiarü amükeamrü akü Jethro yo namfimihnubo neakde alakheah. Apinü namfimihnubo ju loshelo hode bede yübah Thrünpuh wung Horeb ching arü.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 6:4

Arü hanrü thsüde alakhi Kanan lomi ju inü arü kilim jihpü tangzüng thsü.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

WÜHKHE 10:28

Ha Israel trük bonungrü ayannü tsahmusukhi, akhinashu ah.

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

YUNIRÜBO RHIMO 7:5

tüsho apinü ju ching anihbuh kilim amüphü dubopü lang she yamrüplurüp müjih. Tüshe Abraham tsührü mülaa lalashe, apinü anihbuh le adunglim api tsühsoniusobo kilim yamalo jihpü alokhi.

YUZÜNGTHALO 30:5

Judüki Atungpuh nüsa Thrünpuhnü nüsa jipürü lapung lo ching bede arübah, tüsho nüsa ju ching labah. Apinü nüsa jipürü kheaknü alü nüsa lalim atsü tüsho hihde akamshihbah.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

MAHKHAPRÜ 1:16

Kheakü Kenrü tsühsoniuso Mosa akü Hobab ju ashidung kiuto chingnü Juda mihtsürübo bebah Arad phüni Negeb ching lakhi Juda sunglo ching wutu. Tüsho arünü yübah Amalekrü lung laabah.

MAHKHAPRÜ 4:11

Kheakü Mosa akü Hobab tsühsoniuso Kenrü Hebernü anihbuh Kenrü kheaknü chamkhi tüsho Kadesh yean Zaanaim ching thülamsang phünide api khimyam thsü.

1 SAMUEL 15:6

Saulnü Kenrü ki tha, “Yüang! Tsoang! Amalekrü kheaknü tsoang, jude yungsho inü nüsa arü bolungnü adükheakshihbah; tümüde nüsanü Israel mihtsürü Ijip chingnü akhiukchoki alala ki mihmuzho huhdo.” Jumonü Kenrübonü Amalekrü kheaknü chamkhi.