WÜHKHE 10:10 - AMÜSÜH HÜM CL Bible (BSI)

¹⁰ Nüsa asüh nimung she, thünio akhukhitkhi tüsho nüsa khinu aso ching, nüsa taka kingaünkhi tüsho mungtsü kingaün shuhmülanga jihkhi kheak nüsanü hulipungpung mütang; jurübo nüsanü Thrünpuh miki nüsa thsungkheak mümihbe labah; I Atungpuh nüsa Thrünpuh.”

WÜHKHE 10:10 Iomraidhean Croise

2 KIULONG THSÜRÜ 4:23

Apinü tha, “Tümüde khihni api kilim yüpü? Ha khinu aso yungsho amuni yung.” Alibenü tha, “Ju atsübah.”

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

1 KIUTHSÜYUKHEAN 15:28

jumonü Israel alalanü Atungpuh tangzüng sangdan ju zhide, shihjuh, hulipungpungbo, larüpbo, tüsho bingshangbo le bingkhungbo khungde shuhbah atu.

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

2 KIUTHSÜYUKHEAN 29:26

Levirübonü David yo kingzükingdobe shuh, tüsho amükeamrübonü hulipungpungbo shuhbah zhip.

2 KIUTHSÜYUKHEAN 29:28

Amukhungrü athrünkhinü kingaün, khün thsürübonü khün thsü, tüsho hulipungpung mütrünü khung; ha alala taka kingaünkhi mübanyi khiungde mutukzhakde thsü.

2 KIUTHSÜYUKHEAN 7:6

Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

EZRA 3:10

Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

NEHEMIA 12:35

tüsho amükeamrü tsührü khungpi shuhbah atsahrübo: Jonathan tsührü Zekaria, Shemaia tsührü, Mattania tsührü, Mikaia tsührü, Zakkur tsührü, Asaph tsührü;

MUNGSHIKHÜN 150:3

Hulipungpung düsheaknü api shiang; khungpi tüsho bingshang bede api shiang!

MUNGSHIKHÜN 81:3

Khinu aso kim ching, khinu münichoki, isa arüngako anioji nimung hulipungpung mütang.

MUNGSHIKHÜN 81:4

Tümüde ha Israel thsungkheak yakzan thsükhi khülang, tüsho Jakob Thrünpuh yo yakzan khülang lah.

MUNGSHIKHÜN 89:15

Mihtsürü sherünü asühachih düsheak mükheahlanü müngühmühi! O Atungpuh , arünü nü bekhi ayin ching tsahchoh.

ABEKHIT 28:29

Junangde Aronnü Atungpuh miki amüsüh dangpung ching yüchoki mutuklode mümihpü atreang kheak mahkhap treangkhümbe Jakob tsührübo mung hanbah.

ABEKHIT 30:16

Dünthsükhikhi sho ju Israelrü kilimnü leangkhiang tüsho ashorupung khimyam mukhungmüdan thsungkheak ahoriang. Haju nüsa rhangdungbo thsungkheak dünthsükhide Atungpuh miki Israelrü thsungkheak mümihkhi khülang labah.”

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

LEVI 23:24

Israelrübo ki thaang: Khinu thüne atan nimung nüsanü sühakhimkhi, lümrhihkhi amüsüh amukhung, khungpi khungde mungang.

WÜHKHE 10:9

Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

WÜHKHE 28:11

Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

WÜHKHE 29:1

Khinu thünepü atan ni, nüsanü amüsüh amukhung laang, tüsho rhimo achak tümü she dürhimo. Nüsa thsungkheaknü ha nimung hulipungpung mütkhi nimung ah.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

1 KORINT 15:52

kim khülang ching, mükthrap khülang ching, akheam hulipungpung mütchoki labah. Tümüde hulipungpung mütbah, asherü müdükheakbe thsüde arhang kamlobah, tüsho isa alala amüthribah.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

1 TESALONIKA 4:18

Jumonü harü yubonü khülangnü khülang mulong shukheamachihang.

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”

JIHUSUA 6:4

Amükeamrü thünenü namfimihnupung juhnü athsükhi hulipungpung shuhbah tangzüng sangdan müngüh yüshang. Nimung athüne nipü amükeamrübonü hulipungpung mütde, nüsanü kiuto thüne ki mükamde tsahang.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

1 SAMUEL 20:5

Davidnü Jonathan ki tha, “Shido a khinu aso ah, tüsho yimtsühchoki I kiulongthsüpuh ki binpü mülakphahbeah; tüshe I tsoabahanü, junangde mahsam re khiungde I thulu ching jikbah.