WÜHKHE 1:53 - AMÜSÜH HÜM CL Bible (BSI)

⁵³ tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

WÜHKHE 1:53 Iomraidhean Croise

1 KIUTHSÜYUKHEAN 23:32

Hanangde arünü ashorupung khimyam, arüngyam rhimo ching labah, tüsho Atungpuh yam ching tankihpü thsungkheak arünü Aron tsührübo lung bebah.

2 KIUTHSÜYUKHEAN 13:10

Tüshe isa thsungkheak a, Atungpuh ju isa Thrünpuh, tüsho isanü api mübahyuk. Isa a Atungpuh tankihpü Aron tsühsoniusobo amükeamrübo tüsho arü tankihpü Levirü ah.

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

JEREMIA 23:15

Jumonü wukihrübo dünkheak Wuto Atungpuhnü ha thachoh: “ Inü arü kilim tsühyungpü akhüh tsühshihbah, tüsho müzüm duhbah; tümüde Jirusalem ching wukihrübo kheaknü Thrünpuh mümükheahkhi lomi ching budo.”

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

LEVI 10:6

Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah.

WÜHKHE 1:50

tüshe nünü Levirübo a I lapung khimyam tüsho kukrukbo kurungkheak akheahrü mokhitang. Arünü arüngyam tüsho kukruk hande ju ching tankihbah, tüsho ju mühi arü binkheampungbo thsübah.

WÜHKHE 1:54

Jumonü Atungpuhnü Mosa ki thiyukhüm jihkhi nangde Israelrünü alala rhimo.

WÜHKHE 16:46

Jumonü Mosanü Aron ki tha, “ Mophuru khülang kingaün sadam kheaknü lubah ju ching mo tüsho arhümthüneabe yukang tüsho ju nahde lubahle boto kilim yübah arü thsungkheak dünthsükhiang; tümüde bukakhiukkhi Atungpuh kheaknü wukhiukdo. Arüm tankihabahdo.”

WÜHKHE 16:9

Nüsa Israelrü Thrünpuh hode Israel boto chingnü chamkhita Atungpuh arüngyam ching rhimopü api miki yüpü, tüsho boto tankihshihpü thsüde arü miki zhipshihpü thsükhi nüsanü khide ninilah de lümcho de?

WÜHKHE 17:7

Tüsho Mosanü tsobo ju tangzüng khimyam ching Atungpuh miki zo.

WÜHKHE 2:17

Tüsho ashorupung khimyam ju Levirü binpung lungnü binkheampung aphulung ching luka hanbah ayübah; arübo binpung yüchoki buh zhippungpung ching nihbe tsükhinü ayübah.

WÜHKHE 3:23

Gershonrü yamkhünbo ju arüngyam dunglim aniyüzahlim thrip binpü thsakham.

WÜHKHE 3:29

Kohathrü guk arüngyam düjinglim binpü thsakham,

WÜHKHE 3:35

Merari guk kurungkheak limbebuh ju Abihail tsührü Zuriel; arübo arüngyam dukulim binpü thsakham.

WÜHKHE 3:38

Ashorupung khimyam müngüh aniakhiuk thrip binpü thsakhamkhi ju, Mosa, Aron, tüsho atsührübonü Israelrü tsührübo thsungkheak arüngyam ching rhimo; tüshe püpürü shepü phünide arübanü asheshihpü lakheah.

WÜHKHE 31:30

Tüsho aningkhi Israel mihtsürübo kheaknü mihtsürü, moshi, donki, namfimihnu tüsho akam-shiwühbo thünim chingnü khülang yihkhitbah Atungpuh arüngyam neakrü Levirübo kilim jihang.

WÜHKHE 31:47

Tüsho Israel mihtsürü shihcham mihtsürü le shiwühbo thünim chingnü khülang yihkhita Atungpuhnü thiyukhüm jihkhi nangde Mosanü Atungpuh arüngyam neakrü Levirü kilim jih.

WÜHKHE 8:19

Tüsho inü Levirübo ju Aron le atsührübo kilim Israel mihtsürü bolungnü thsambah nangde jih, junangde arübonü Israelrü mihtsürü thsungkheak ashorupung khimyam ching rhimobah, tüsho Israelrü mihtsürü thsungkheak dünthsükhibah, jude athsükhinü Israel tsührübo arüngyam phünide arüchoki arü kheak arüm müyükih.

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

1 SAMUEL 6:19

Beth-shemesh mihtsürübonü Atungpuh sangdan ching abinyuka kheahmonü arü kheak apinü shik; apinü arü mihtsürü 70 laksah. Mihtsürübonü tüzho tümütüsho Atungpuhnü mihtsürü bolung muliuhde laksah.