TÜZHOKHI 5:1 - AMÜSÜH HÜM CL Bible (BSI)

¹ O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

TÜZHOKHI 5:1 Iomraidhean Croise

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

NEHEMIA 1:8

Nünü Mosa ki thakhi lümkhitjang: ‘Nüsa Israelrünü I kheak thiyuro mülasho, inü nüsa püpürü trükshih bolung hiumüzütshihbah.

NEHEMIA 4:4

Inü tamkhüntamnü, “Arünü isa keangrümünekhi sojang, O Thrünpuh! Arünü münejihkhi arü kheak rheakloshang. Arü kukruk alala jangkhide khiungkerü lo ching ramtsorü kamshang.

JOB HU H T ANYU 10:9

Nünü alo nangde I nungnüdo de lümkhitang; tüsho nünü I alo kamloshihba de?

JOB HU H T ANYU 7:7

O! I rhangdung ha sheak ah de lümkhitjang; I müknü küyimkishe atsü müngülo.

MUNGSHIKHÜN 119:153

I thsünü lümakheahang tüsho I bekhitang, tümüde inü nü yakzan mümih.

MUNGSHIKHÜN 74:18

O Atungpuh , thiririnü keangrümünechoh, tüsho makharü mihtsürünü nü mung mükhemükimdo de lümkhitang.

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

JEREMIA 15:15

O Atungpuh nünü mükheahlah; I lümkhitang tüsho rhuakheahang, tüsho I thsümüchirü kheak I royimpü hande akijang. Nü arümkheamkhi ching I hande dütsoshih; nü dünkheaknü I mükhemükim ludo de mükheahjang.

JEREMIA 51:51

Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

TÜZHOKHI 1:11

Anihbe mihtsürü alala yikhap yimde ashechoh; arünü tsühyungpü thsungkheak arü rahpungbo arü sühmüh dükünglopü yinzüyindochoh. Kheahang, O Atungpuh , tüsho I küdükhüh bahyuka lanü lümakheahang.

TÜZHOKHI 1:20

Kheahang, O Atungpuh , I küdükhüh lümthsünüla; I me thsünülah, I mulong rhothünakchoh, tümütüsho inü khide azhihde alakheah. Kiudunglimrobo ching nukshangnü laksahchoh; thüyam ching ashekhi lah.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 2:15

Limro tsahhorü alalanü nü kheak arü khahbo damchoh; arünü Jirusalem tsührübe kheak ish thsüchoh tüsho ku lukchoh; “ Khiukdahde akhamkhi de ajikhi kiuto alomi alala asühbe thsü ha a de?”

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

TÜZHOKHI 3:19

I thsünükhi, tüsho rümde atsahkhi akhüh müzüm inü lümkhitchoh!

TÜZHOKHI 3:50

Atungpuhnü yinmi chingnü abinkhia mükheahyi khiungde.

TÜZHOKHI 3:61

O Atungpuh , arünü I azhihde mükhemürangkhi alala nünü sodo.

HABAKKUK 3:2

Atungpuh , inü nü mungthukhi sodo; nü rhimokhibo dünkheak inü trede zhip, O Atungpuh . Isa nimungbo ching jurü thsüphuloshang, isa kimbo ching jurü mükheahshang; mulong zhipzhip ching mihmüthsüm lümkhitjang.

LUKNÜ ATHRÜTKHI THIYUSHEAK-ATSÜ HUHTANYU 23:42

Judüki apinü Jisu ki tha, “Atungpuh, nü kiulongthsü ching nü arüchoki I lümkhitang.”