TÜZHOKHI 4:3 - AMÜSÜH HÜM CL Bible (BSI)

³ Shirungbonü she arü nunu kilim niuh duhchoh tüshe I mihtsürü a bukmükede kamdo, sunglo ching kewühtopübo nangde lah.

TÜZHOKHI 4:3 Iomraidhean Croise

1 KIULONG THSÜRÜ 3:21

Küyimki I tsührü niuh duhpü asürükhea, api ju shea inü ngü; tüshe küyimki yapsu inü api kheak düshihde akheahkhea, atsütsü ju inü azübekhi tsührü yungde alakheah.”

ISAIA 13:22

Rimrebonü aheangsadambo kheak khungbah, tüsho shirungbo kiulongthsürü yam atsüdakbo ching labah; ha kim khah ki phünide lah, tüsho ha nimung makhin.

ISAIA 34:13

Chipibo kheak ayang mukhuhbah, tüsho khingphu le thurukmüthsübo chipibo ching labah. Ju shirungbo mungpung tüsho kewühtopü lapung kambah.

ISAIA 49:15

Azoberü khülangnü anihbenü akümkhi khungarü mihpü kukla de, yungsho anihbe nuyam ching yo khungarü ki amuzho muhuhba de? Harü she amihpü kuklah tütüshe inü a nü mümih.

JEREMIA 19:9

Tüsho inü arü ki arü tsührübo tüsho tsührübebo shih tsühshihbah, tüsho arü rhangdung yimrünü zündobahle arü lümthsünüde lachoki arünü yamhingrü shih tsühachihbah.

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

TÜZHOKHI 4:10

Mihmuzhokhi azoberü khahbonü arü nihbe tsührübo ngüp; I mihtsürü thsümünimkhi ching arübo ju arü tsühyungpü kam.

EZEKIEL 5:10

Jumonü nüsa bolung ching buhrübonü arü tsührübo tsühbah tüsho tsührübonü arü bebuhrübo tsühbah. Inü nü kheak thsümüchi jihbah tüsho nüsa aninga larü alala apungbo ching müzütshihbah.

LEVI 26:29

Nüsanü nihbuh tsührü le tsührübebo shih tsühbah.

ROMRÜ KILIM PAULNÜ ATHRÜTKHI KIHÜM HUHTANYU 1:31

makhakhi, akin mülakhi, mulong müzahkhi, mihmukhiuhnü mide kam.