TÜZHOKHI 3:2 - AMÜSÜH HÜM CL Bible (BSI)

² apinü I yanyuka bahdo tüsho ayin mülakhi amiting ching I tsahshih;

TÜZHOKHI 3:2 Iomraidhean Croise

JOB HU H T ANYU 18:18

Api ayin chingnü amiting ching nimyukdo, tüsho alomiküp chingnü yankhita bahdo.

JOB HU H T ANYU 30:26

Tüshe küyimki inü atsü thsungkheak kheahkheanü amütsü arü; tüsho inü ayin aleangchoki amiting arü.

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 4:23

Inü alomi kheak kheah, tüsho kheahang, ha thsümünima tüsho akeangkeang lah; tüsho yinmi lim kheah, tüsho ayin müla.

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

YUZÜNGTHALO 28:29

Müktukrü mihtsürünü amiting ching ajamkhi nangde nüsanü animuro ajambah; nüsanü arhimokhi ching nüsa alü müthsü; nüsa mutuklode ajunobah tüsho mülapyukbah, tüsho shenü nüsa mükhümkhit.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;