TÜZHOKHI 2:9 - AMÜSÜH HÜM CL Bible (BSI)

⁹ Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

TÜZHOKHI 2:9 Iomraidhean Croise

2 KIULONG THSÜRÜ 25:7

Arünü Zedekia tsührübo api mük kinü laksah, jushu Zedekia mükjibo khünkhit; arünü api wuhrünliunü rhükbah Babilon lim bede yü.

2 KIUTHSÜYUKHEAN 15:3

Kim ashangkhüh Israel a thiyuro Thrünpuh mübede, thsangyurü amükeamrü mübede, tüsho yakzan mübede alakheah;

NEHEMIA 1:3

Tüsho arünü I ki tha, “Lomi ching rhangdung larü ramtso chingnü alunglorübo thsümütsü ato ching lah tümüde arü hingrü khiungkerünü arü junode lah; Jirusalem chipi she kheakü khiungde keama yaplah, tüsho chipimurungbo she monü takabahdo.”

MUNGSHIKHÜN 74:9

Isanü isa yo amütsanbo müngü; kheaküa wukihrü müla; yungsho külokhüh labeanü amükheahrü isa bolung müla.

ISAIA 24:12

Kiuto ching zhikrangkhündo lah, chipiripitbo thsümünimde mütrütthünaka lah.

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:16

Wuto Atungpuhnü ha thachoh: Nüsa ki müchitrü wukihrübo yu dani; arünü nüsa bemüchihchoh. Arünü nihbuh lümkhi michih asukchoh, Atungpuh mün chingnü yung.

JEREMIA 39:2

Zedekia kiulongthsü kam thürükheak khülang, khinu phüyi, nimung tuku nipü, kiuto chipi rhümashunga lakheah.

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

JEREMIA 52:14

Aheangrü wühkenobuh lung yürü Kaldearü bonungrü alalanü Jirusalem mühide chipi yihkheamabah.

TÜZHOKHI 1:3

Juda a thsünüde tüsho achakato azhorü thsüde ramtso ching yüdo; kheakü anihbe trükshih bolung lah, tüsho sühakhim dangpung müngü; anihbe lümthsünü phulung ching anihbe müshamrünü yanphuhdo.

TÜZHOKHI 4:15

Mihtsürübonü arü ki zhi, “Tsoabahang! Nüsa mümüsüh!” “Tsoabahang! Tsoabahang! Isa düqiu!” Küyimki arübo tsode tüsho rümde alakhea, trükshih bolung mihtsürübonü tha, “Arübo kheaküa ha ching mülakhuk.”

TÜZHOKHI 4:20

Atungpuhnü mujude-mokhitkhi, isa rhangdung sheak arü alokhünbo ching hande yü– shepü dünkheak isanü tha, “Api alamme khüpnü trükshih bolung isa labah.”

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 17:20

Inü api thsungkheak keang dütrüna zobah, tüsho api I qimürip ching phuhbah. Inü api Babilon ching handarübah tüsho api kheak mahkhapbah tümütüsho apinü I ki thiyuro mülade lado.

EZEKIEL 7:26

Thsümütsünü thsümütsü kheak yankihbah, tüsho alanajinü alanaji labah. Arünü wukihrü kheaknü michih ngüpü mürangbah; amükeamrünü yakzan thsangyukhi, azothsürübonü lümthiyan jihpü dükheakbah.

HOSEA 11:6

Nukshangbo arü kiutobo ching phürapbah, arü chipiripit rihbebo thsümünimbah tüsho arü lümkhi akheam thsüshihbah.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

AMOS 1:5

Inü Damaska chipiripit khrihbebo yihshakbah, tüsho Aven Jindükhün ching larü tüsho Beth-eden ching kiulongthsü-tso shuhbuh mülade akamshihbah; tüsho Siria mihtsürü Kir ching ramde ayübah, Atungpuhnü thachoh.

YUZÜNGTHALO 28:36

“Atungpuhnü nüsa tüsho nüsa kiulongthsüpuh, nüsa le nüsa jipürünü mümükheahkhi trükshih ching bede ayübah; ju ching nüsanü sang tüsho lungnü athsükhi thrünpuhbo tankihbah.

YUZÜNGTHALO 28:63

Tüsho Atungpuhnü nüsa lalimlako tsüshihde tüsho wüh bushihde asühkhi nangde, Atungpuhnü nüsa sheshihde tüsho athsümünim hande arüde asühbah; tüsho nüsanü müküh-a lupü lakhi lomi chingnü nüsa rukkhita bahbah.

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.