TÜZHOKHI 2:8 - AMÜSÜH HÜM CL Bible (BSI)

⁸ Atungpuhnü Zion tsührübe chipi thsümünimpü lümkihlah; apinü aru tholang; athsümünimpü chingnü apinü akhah mutuklo; apinü aheangsadam tüsho chipi tüzhoshih, arübo rukhühnü shekhia lah.

TÜZHOKHI 2:8 Iomraidhean Croise

2 SAMUEL 8:2

Apinü kheaküshe Moabrü kuk tüsho arübo alo kheak yapshihbah liunü ake; apinü asheshihpü liu yung mahnenü ake, tüsho yung khülang akekhi ju rhangdung lashihpü thsü. Tüsho Moabrü ju David yamlarü kamabah tüsho api kilim ruk jih.

2 KIULONG THSÜRÜ 21:13

Samaria thsungkheak akebe-liu, tüsho Ahab yamkhün thsungkheak awukbe-liu inü Jirusalem binghode ayübah; khürünü phuru müsühkhi nangde inü Jirusalem nana bahbah tüsho aniukphülapbah.

JOB HU H T ANYU 13:21

I kheaknü nü khah tukloang tüsho nü atrebenü I dümüzün.

ISAIA 22:5

Tümüde Wuto Atungpuh Thrünpuh nimung khülang arhunganim tüsho junakpü tüsho yingyingrara michih jindükhün ching lah, rhübo kingkheamdo tüsho arung thsungkheak zhikhi awungbo ching lah.

ISAIA 28:17

Tüsho inü akebe-liu thiyuro kamshihbah, tholang-liu thiyuro-lungki kamshihbah; arübonü arükchih tsoyukpungbo phüta bahbah, tüsho kebonü jikpung zhidobah.

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 34:11

Loshelo lungru tüsho athürapbe lungrunü ju müküh-a lubah; lungru ato tüsho khüyaknü ju ching asap shubah. Thrünpuhnü Edom kurungkheak neamneamruru liu tüsho thsümünimbe akeliu thoshangbah.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

JEREMIA 14:2

Juda tüzhochoh tüsho anihbe chipiripitbo keamchoh; arübo masühde alo kheak yaplah, tüsho Jirusalemnü azhikhi yükihchoh.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

TÜZHOKHI 2:17

Atungpuhnü tümü lümkheanü rhimodo, apinü api yu thakhi dünjido; apinü adüsonü thiyuzüng thsükhi nangde amuzho mülade thsümünimdo; apinü nü kurungkheak thiriri asühshihdo tüsho nü riri sühmüh shuhkihdo.

TÜZHOKHI 2:18

Atungpuh ki achangnü zhiang! O Zion tsührübe chipi! Ayung nangde chike animung tüsho are bukkhishang! Nü sühakhim dulu, nü tripkhi dütuklo!

TÜZHOKHI 2:2

Atungpuhnü mihmüthsüm mülade Jakob lapungbo alala muyuabah; api bukakhiukkhi ching apinü Juda tsührübe chipibo lukkheamjih; apinü kiulongthsü tüsho yakzanshuhrübo wüntre mülakhi ching alo lim thokhi.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

EZEKIEL 20:22

Tüshe inü I khah tuklo, tüsho I mung chingnü arü mikinü arü bekhitkhi trükshihbo miki mümüneanshihpü inü rhimo.