TÜZHOKHI 2:7 - AMÜSÜH HÜM CL Bible (BSI)

⁷ Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

TÜZHOKHI 2:7 Iomraidhean Croise

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

MUNGSHIKHÜN 89:39

Nünü nü yamlarü ki tangzüngkhi thsümünimdo; nünü api kuthran asungthulung ching bahkhinü müneanshihdo.

ISAIA 64:9

Müshakde bukdakhiuk, O Atungpuh , tüsho lünnü amülim dülümkhit. Kheakü lümakheahang, isa alala nü mihtsürü.

JEREMIA 21:4

Nüsanü Zedekia ki ha thabah: Atungpuh Israel Thrünpuhnü ha thachoh: Nüsa khah ching lakhi thirithsü thsühnukbo küpünü chipi aleanglim nüsa yanrü Babilon kiulongthsüpuh tüsho Kaldearü bede keochihchonü inü luloabahbah; tüsho inü arübo ha kiuto phulung ching rukhüh bemukhungbah.

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

TÜZHOKHI 1:4

Zion limrobo tüzhochoh tümüde thünio ching shenü marü; anihbe chipiripit alala zhika lah, anihbe amükeamrübo ashechoh; anünürübonü mulong rozhakchoh tüsho anihbe thsünü akhüh ching lah.

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 7:24

Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah.

LEVI 26:31

Inü nüsa kiutobo akeangkeang kamshihbah tüsho amüsüh dangpungbo zhikabahshihbah, tüsho nüsanü arhümthüneabe kingaünkhi mümünimjih.

LEVI 26:44

Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

AMOS 2:5

Jumonü inü Juda kheak mo khülang yüshihbah, tüsho junü Jirusalem chipi aniubah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

MATHI 24:2

Tüsho Jisunü arü ki tha, “Nüsanü harü alala müngü de? Atsütsü inü nüsa ki thachoh: ha dangpung ching lung khülang she maningde keamabahbah.”