TÜZHOKHI 2:4 - AMÜSÜH HÜM CL Bible (BSI)

⁴ Thiriri khülang nangde api khah tsülimnü hünkih-a amudo; Zion tsührübe khimyam ching asühde angükhi alala apinü laksahdo; mo nangde api bukakhiukdo.

TÜZHOKHI 2:4 Iomraidhean Croise

2 KIUTHSÜYUKHEAN 34:21

“Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

2 KIUTHSÜYUKHEAN 34:25

Tümütüsho arünü I bahyuk tüsho püpürü thrünpuhbo kilim rhümthüneabe taka jih, junangde arü khahnü arhimokhi alala hode I bukakhiukshih, I bukakhiukkhi ha dangpung kheak dungkihbah tüsho müyihmüt.

JOB HU H T ANYU 19:11

Apinü I azhihde alü bukakhiukdo, tüsho I api riri nangde khechoh.

JOB HU H T ANYU 6:4

Tümüde Wuto hühzobo I kheak lah; I menü arü müzüm yungchoh; Thrünpuh yo atrebe I azhihde khin thsülah.

MUNGSHIKHÜN 37:14

Mihbukmuyuknü zhochihrü le mülamüthsürü tüsho alungki rhimorü laksahpü nukshangbo dukkhit tüsho sanglühbo hünkihdo.

MUNGSHIKHÜN 7:13

Apinü ashebe thsühnuk thsakhamchoh; mo kihkhi api hühzo thsüchoh.

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

ISAIA 63:6

I bukakhiukkhi ching inü mihtsürübo thrümthünak, I bukakhiukkhi ching inü arü zünak, tüsho inü arü rhangdung thiyih alomi kheak dungabah.”

JEREMIA 10:20

I khimyam thsümünimdo tüsho I liubo alala zhakdo; I tsührübo I kheaknü tsodo tüsho arü kheaküa müla; I khimyam thsülopü she müla tüsho khimbo zhindorü müla;

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

TÜZHOKHI 1:13

Achang kheaknü apinü mo arüshih; ha I robo ching sükde yüzahdo; apinü I jing thsungkheak keang zünga zo; apinü I ashitloshih; apinü I zhikabahshih, nimung amuyung shekhia lashih.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

TÜZHOKHI 3:3

I azhihde apinü nimung amuyung alochode akhah rholodo.

TÜZHOKHI 4:1

Künangde suna thsü müwado kama la, künangde suna müthsün thsü müthria la! Amüsüh lungbo kiudunglimro aban ching hiumüzüta yaplah.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

EZEKIEL 13:13

Jumonü Wuto Atungpuhnü ha thachoh: I mulong zhipzhip ching inü apung amüküp tüsho I bukakhiukkhi ching arulungbo dükhebah tüsho tsüng ju düchibo bede athsümünimpü thsüde arübah.

EZEKIEL 20:34

Inü wuto khah, achungkhitkhi khah, tüsho bukakhiukde nüsa müzütshihpung mihtsürü chingnü bekhitbah tüsho lomibo chingnü bemukhungbah;

EZEKIEL 22:22

Aniube ching shotoyinchi niuthünakkhi nangde, nü ju ching niuthünakbah tüsho I Atungpuhnü nü kheak mulong zhipzhip dungkihdo de nünü mükheahbah.

EZEKIEL 24:25

Tüsho mihtsürü tsührü, küyimki inü arü kheaknü arü chipibo, arü asühachih tüsho müretah, arü mük asühkhi tüsho arü mulong amuzho, tüsho arü tsührübo le tsührübebo she lukhambanü,

EZEKIEL 36:18

Jumonü arünü lomi kheak thiyih bukkhi tüsho arünü bede müneankhi sangthsübo dünkheaknü arü kheak I mulong zhipzhip dungkih.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

EZEKIEL 6:12

Api shepü limshude lanü arümnü ashebah, tüsho shepü phünide lanü nukshangnü akeambah, tüsho shepü rhangdung lanü tüsho aninga lanü khümzungnü ashebah. Junangde I mulong zhipzhip arü kheak labah.

EZEKIEL 7:14

Arünü hulipungpung mütmüt she tüsho lüpdükhi tsanglunglung she, sheshe keochih ching müyüzah, tümüde I mulong zhipzhip boto athrünkhi kheak lah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

NAHUM 1:2

Mükthsükhi tüsho royimkhi Thrünpuh ju Atungpuh ah, royimpü tüsho mulong zhipzhip ju Atungpuh ah; Atungpuhnü api azhihrü kheak royimchoh tüsho api riribo azhihde bukakhiukchoh.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=

1 SAMUEL 28:16

Samuelnü tha, “Dale tümü thsükhi nünü I ki keokhicho, tümüde Atungpuh nü kheaknü tsoabahdo tüsho nü riri kamdo?