TÜZHOKHI 2:2 - AMÜSÜH HÜM CL Bible (BSI)

² Atungpuhnü mihmüthsüm mülade Jakob lapungbo alala muyuabah; api bukakhiukkhi ching apinü Juda tsührübe chipibo lukkheamjih; apinü kiulongthsü tüsho yakzanshuhrübo wüntre mülakhi ching alo lim thokhi.

TÜZHOKHI 2:2 Iomraidhean Croise

JOB HU H T ANYU 2:3

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla tüsho Thrünpuh wüntrerü alungki tüsho amütsü chingnü bahkhichoh. Amüdopü mülade api thsümünimpü api azhihde nünü I athsungthsung she apinü judü lang thiyuro lah.”

MUNGSHIKHÜN 21:9

Api akhiukchoki motrunü nangde arü dükheakshihbah. Atungpuhnü abukakhiukkhi ching arü muyubah, tüsho monü arü aniuabahbah.

MUNGSHIKHÜN 74:7

Arünü nü arüngakopung kheak mo thsahkihdo; arünü nü mung lapung alo kheak müneando.

ISAIA 22:5

Tümüde Wuto Atungpuh Thrünpuh nimung khülang arhunganim tüsho junakpü tüsho yingyingrara michih jindükhün ching lah, rhübo kingkheamdo tüsho arung thsungkheak zhikhi awungbo ching lah.

ISAIA 23:9

Wuto Atungpuhnü müretah kükheangküyang alala khenopü tüsho alomi wüntrekhi alala bahyukpü ha lümkhi thsüdo.

ISAIA 25:12

Api chipi achangnü ayünkhi thokheambah, akeamshihbah, alo kheak asungthulung ching thokhibah.

ISAIA 26:5

Tümüde apinü achang kheak larübo thokheamdo; adüküng kiuto apinü keamkhishih. Apinü alo kheak yapshih, asungthulung ching bahdo.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

TÜZHOKHI 2:17

Atungpuhnü tümü lümkheanü rhimodo, apinü api yu thakhi dünjido; apinü adüsonü thiyuzüng thsükhi nangde amuzho mülade thsümünimdo; apinü nü kurungkheak thiriri asühshihdo tüsho nü riri sühmüh shuhkihdo.

TÜZHOKHI 2:21

Athunu tüsho azorü kiudunglimrobo ching alo kheak yaplah; I yo athunu liberübo tüsho athunu athrürübo nukshangnü keamdo; nü bukakhiukkhi nimung ching nünü mihmüthsüm mülade arü laksahdo,

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

TÜZHOKHI 3:43

Nü bukakhiukkhinü nü muhiudo tüsho isa müsham, mihmuzho mülade laksah;

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

EZEKIEL 7:4

Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.

EZEKIEL 7:9

Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

EZEKIEL 9:10

Jumonü inü arü kheak muzhode mükheah yungsho arü maningshih, tüshe arünü arhimokhi inü arü nihbuh kubo kheak handarübah.”

MIKA 5:14

tüsho inü Ashera sangthsübo nüsa bolungnü arukkhitbah tüsho nüsa kiutobo thsümünimbah.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

MATHI 18:33

Inü nü ki muzhokhi nangde, nünü she rukhüh yamlarü ki amuzho mülabea de?’

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

YUZÜNGTHALO 28:52

Nüsa lomi alala ching nüsa mulonglamkhi chipi achangnü ayünkhibo mükeamyi khiungde arünü nüsa kiutobo alala ching yanbah; tüsho Atungpuh nüsa Thrünpuhnü nüsa kilim jihkhi lo alala ching arünü nüsa yanbah.

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=