TÜZHOKHI 2:1 - AMÜSÜH HÜM CL Bible (BSI)

¹ Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

TÜZHOKHI 2:1 Iomraidhean Croise

2 SAMUEL 1:19

O Israel, nü müretahkhi nü wung achangbo kheak laksah-a yaplah! Küdükhüh wuto keamde!

1 KIUTHSÜYUKHEAN 28:2

Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

MUNGSHIKHÜN 132:7

Isanü api arüngkhimyam ching yüzahanü; isanü api jing dubopung ki kingaünanü.

MUNGSHIKHÜN 89:45

Nünü api athunu nimungbo khihshih; nünü mungchihnü api lüpdo.

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

ISAIA 64:11

Isa yo amüsüh tüsho akheahakham arüngyam, küpü ching isa jipürünü nü mung shikhea, ju monü takabahdo, tüsho isa lopung atsübo athsümünimkhibo kamdo.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

TÜZHOKHI 2:17

Atungpuhnü tümü lümkheanü rhimodo, apinü api yu thakhi dünjido; apinü adüsonü thiyuzüng thsükhi nangde amuzho mülade thsümünimdo; apinü nü kurungkheak thiriri asühshihdo tüsho nü riri sühmüh shuhkihdo.

TÜZHOKHI 4:1

Künangde suna thsü müwado kama la, künangde suna müthsün thsü müthria la! Amüsüh lungbo kiudunglimro aban ching hiumüzüta yaplah.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

EZEKIEL 13:13

Jumonü Wuto Atungpuhnü ha thachoh: I mulong zhipzhip ching inü apung amüküp tüsho I bukakhiukkhi ching arulungbo dükhebah tüsho tsüng ju düchibo bede athsümünimpü thsüde arübah.

EZEKIEL 19:12

Tüshe ju bukmüshakkhi ching rukkhit tüsho alo ching bah. Aniakhiuklim pungnü aso ju yünmukuhabah, akhah adüküngbo yünshaka sheshih tüsho monü aniuabah.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 30:18

Küyimki inü Ijip sangkap yihshakba, tüsho kükheangküyang sühmüh akheam kamshihbanü Tapanhes ching animung mitingbah; kiuto ju amonü akhüpdobah, tüsho kiuto mihtsürübo ramtso ching yübah.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

MATHI 11:23

Tüsho nü, Kapernaum, shepü thüning ching shuhkih-a lanü thsümüchi ching thokhibah; tümüde nü kheak rhimokhi wuto rhimobo Sodom ching rhimokhülaa, ju khihni khiungde laa labah.

LUKNÜ ATHRÜTKHI THIYUSHEAK-ATSÜ HUHTANYU 10:15

Tüsho Kapernaum, nü a thüning lim shuhkihba de? Yung, nü asükbo lim yüzahbah.

LUKNÜ ATHRÜTKHI THIYUSHEAK-ATSÜ HUHTANYU 10:18

Tüsho apinü arü ki tha, “Thüning chingnü Arimri chinchobe nangde akikhi inü ngüdo.

1 SAMUEL 4:21

Anihbenü khungarü mung Ikabod de ji, amütsan, “ Müretahkhi Israel kheaknü chamkhido”, tümütüsho Thrünpuh sangdan yankhia luabah tüsho aniubuh abuh le aniubuh ane sheabah.

1 SAMUEL 4:22

Alibenü tha, “ Müretahkhi Israel kheaknü chamkhido, tümüde Thrünpuh sangdan yankhia ludo.”