TÜZHOKHI 1:9 - AMÜSÜH HÜM CL Bible (BSI)

⁹ Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 1:9 Iomraidhean Croise

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

2 KIULONG THSÜRÜ 14:26

Tümüde Israel khide khühde lümthsünükhi Atungpuhnü ngü; judüki Israel rungpü thsüde rhüka lakhi yungsho zuzu, tüsho sheshe aninga mülakheah.

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

MUNGSHIKHÜN 119:153

I thsünü lümakheahang tüsho I bekhitang, tümüde inü nü yakzan mümih.

MUNGSHIKHÜN 140:8

O Atungpuh , mihbukmuyuknü akünkhi dümülüjih; api mihbukmuyuk lümkhi düpeangshangshih, jude yungsho arübo shuhkihbah.

MUNGSHIKHÜN 25:18

I thsünükhi tüsho küpkhuk lümakheahjang, tüsho I neakbo alala bahjang.

MUNGSHIKHÜN 69:21

Arünü I tsühyungbe müzüm, tüsho ayungpü asanke jih.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.

ISAIA 37:23

Nünü she kheak keangrümünekhea tüsho mükhemürangkhea? She azhihde nü düsheak zhikhea tüsho lülüshishide nü mük züngkihkhea? Amüsüh Israel Thrünpuh azhihde ah!

ISAIA 37:29

Tümütüsho nünü I azhihde bukakhiuk tüsho nü mulong zhipzhipkhi I nükhün ching arü, inü yinchi-khoyang nü nupung ching yukjihbah tüsho yinchikaplak nü mün ching yukjihbah, inü nü arükhi limro ching rholoshihbah.

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 47:7

Nünü tha, “ I lünnü kiulongthsüberü thsübah,” jumonü nünü harü mulong ching muzo yungsho akheampü mülümkhit.

ISAIA 51:19

Thsümütsü mahne nü kheak yükihdo –shenü nü lung mulong rozhakba?– thsümünima yapkhi tüsho athsümünimkhi khümzung tüsho nukshang– shenü nü shukheamba?

ISAIA 54:11

O thsünükhi, chinthrüm-yünkhi, tüsho mushukheamkhi, inü nü khimtanbo shotolungbonü akhimbah,

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 16:7

Ashekhi mitriprü shukheamde ajihpü shenü yikhap müyihnak; yungsho shenü arü buhrü yungsho berü thsungkheak shukheamkhi pung muduh.

JEREMIA 2:34

Kheaküshe arünü chakashungde yüzahkhi müngüngü she nü khim kheak amülim-mülarü zhochihrü rhangdung thiyih kihlah. Tütüshe harü lalashe

JEREMIA 48:26

Moab müshangshang, tümütüsho apinü Atungpuh azhihde müretahdo; anihbuhnü mülümkhi ching Moab awuhshang; api she münedung kambah.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

TÜZHOKHI 1:17

Zionnü akhahbo chungkhitchoh, tüshe anihbe shukheamrü she müla; Atungpuhnü Jakob azhihde thiyukhüm jihdo, junangde api yamhingrübo anihbuh riri kambah; arü bolung Jirusalem a amüneankhi kamdo.

TÜZHOKHI 1:21

I ashearakhi arünü sodo, shenü I mushukheam. I riribo alalanü I küpkhuk sodo; nünü ha rhimokhinü arü asühchoh. Nünü alokhikhi nimung hande arang tüsho arü she I ruk lashang.

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

TÜZHOKHI 4:1

Künangde suna thsü müwado kama la, künangde suna müthsün thsü müthria la! Amüsüh lungbo kiudunglimro aban ching hiumüzüta yaplah.

TÜZHOKHI 5:1

O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

ZEPHANIA 2:10

Ha arü kükheangkhi müthri arü shihcham labah, tümütüsho arünü Wuto Atungpuh mihtsürü azhihde mükthsü tüsho kükheang.

JOHAN 11:19

Tüsho Jihudarü ahihkhühnü Martha tüsho Mari mükamdoa, ane niurü dünkheak mulong shukheamde alakheah.

YUZÜNGTHALO 26:7

Judüki isanü Atungpuh isa jipürü Thrünpuh ki zhide tha, tüsho Atungpuhnü isa düsheak so, tüsho isa thsümüchikhi, isa khisahkhi, tüsho isa junokhi ngü;

YUZÜNGTHALO 32:27

tüshe inü arü riri mükükheangshihkhukde bahdo, jude thsükhülaa arü riribonü aniphülapbah athabah, “Isa khahnü kukdo; Atungpuhnü harü alala mürhimo.” @SP ACE=

YUZÜNGTHALO 32:29

Arü lümlung lakhülaa, arünü ha anikhitbah, arünü adünjipü lakhi mükheahbah!

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?

1 SAMUEL 1:11

Alibenü hade thiyuchihchim: “O Wuto Atungpuh, nünü lang nü yamlaberü küpkhukkhi kheahjihde, I lümkhitsho, tüsho nü yamlaberü mümihabahsho, tüshe nü yamlaberü kilim tsührü athrürü jihsho, inü api rhangdung amuyung Atungpuh kilim jihbah tüsho küyimkishe api kuyü mühüt.”