TÜZHOKHI 1:8 - AMÜSÜH HÜM CL Bible (BSI)

⁸ Jirusalemnü tode neak yihbeakdo, jumonü anihbe amümüsüh kamdo; anihbe wüntre jihrü alalanü anihbe mükhemürangchoh, tümüde arünü anihbe bünkeang ngüdo. Anihbe ashechoh tüsho miro anguhde tsochoh.

TÜZHOKHI 1:8 Iomraidhean Croise

THRÜNTAN 3:7

Judüki ane mük khimshuh tüsho bünkeang ah de mükheah; jumonü anenü khubaso yü thürerubah yihdo.

1 KIULONG THSÜRÜ 9:6

Nü yungsho nü tsührübonü I yankhi chingnü anguhsho, tüsho inü nü miki zojihkhi I yukhümbo le I yakzanbo manide yübah püpü thrünpuhbo tankihde arü kingaünsho,

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

1 KIULONG THSÜRÜ 9:9

Judüki arünü athabah, ‘ Tümütüsho arünü arü jipürü Ijip lo chingnü abekhitbuh Atungpuh arü Thrünpuh bahyukdo, tüsho püpü thrünpuhbo kheak kingaünde tüsho tankihde kapkihdo; jumonü Atungpuhnü ha thsümüchi arü kheak hande arüdo.’ ”

ISAIA 47:3

Nü bünkeang labah, tüsho achih ngübah. Inü royimbah, tüsho inü she maningshih.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 13:26

Inü nü rungthsün nü miro kheak lahkihbah, tüsho nü achih ngübah.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 6:28

Arü alala nihnihrara azhihrü, chikhide atsahrü, arübo müwayinchi tüsho yinchi, arü alalanü thsünimthsüshide rhimochoh.

TÜZHOKHI 1:11

Anihbe mihtsürü alala yikhap yimde ashechoh; arünü tsühyungpü thsungkheak arü rahpungbo arü sühmüh dükünglopü yinzüyindochoh. Kheahang, O Atungpuh , tüsho I küdükhüh bahyuka lanü lümakheahang.

TÜZHOKHI 1:17

Zionnü akhahbo chungkhitchoh, tüshe anihbe shukheamrü she müla; Atungpuhnü Jakob azhihde thiyukhüm jihdo, junangde api yamhingrübo anihbuh riri kambah; arü bolung Jirusalem a amüneankhi kamdo.

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

TÜZHOKHI 4:21

Nüsa sherü Uz lomi ching lanü asühachihang tüsho asühang, O Edom tsührübe; tüshe nü kilim she pung arübah; nü amüshangbah tüsho nü bünkeang kambah.

EZEKIEL 23:29

tüsho arünü nü ki thraneande akeobah, tüsho nünü arhimokhi alala lude atsobah, tüsho nü bünkeang tüsho pang keangkeang zojihbah, tüsho nü müzammüram mungchih lahkhitbah. Nü makhamaleak rhimo tüsho nü müzammüramnü

EZEKIEL 23:46

Tümüde Atungpuh Thrünpuhnü ha thachoh: Ane treshihpü tüsho jangkhipü boto khülang bedarang.

EZEKIEL 39:23

Tüsho arü mülimkhi dünkheak Israel yamkhün aramkhi ching yükheah de trükshihbonü mükheahbah, tümütüsho arünü I ki mülimde rhimo. Jumonü arü kheaknü inü I miro jik tüsho arü riribo khah ching arübo jih, tüsho arübo nukshangnü keam.

HOSEA 2:10

Kheakü inü alibe muzhorübo mük ki anihbe achihbe mülüpdojih, tüsho shenü she I khah chingnü alibe mükhümkhit.

HOSEA 2:3

Jude yungsho inü anihbe pang khukjihbah tüsho anihbe zübe nimung nangde bünkeang kamshihbah; tüsho anihbe sunglo tüsho akunglo nangde kamshihbah tüsho kethürinü asheshihbah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.