TÜZHOKHI 1:3 - AMÜSÜH HÜM CL Bible (BSI)

³ Juda a thsünüde tüsho achakato azhorü thsüde ramtso ching yüdo; kheakü anihbe trükshih bolung lah, tüsho sühakhim dangpung müngü; anihbe lümthsünü phulung ching anihbe müshamrünü yanphuhdo.

TÜZHOKHI 1:3 Iomraidhean Croise

2 KIULONG THSÜRÜ 25:11

Nebuzaradan aheangrü wühkenobuhnü kiuto ching aninga lakhi, Babilon kiulongthsüpuh kinü atsorü, aningkhi mihtsürü alala ramtso ching bede yü.

2 KIULONG THSÜRÜ 25:21

Babilon kiulongthsüpuhnü arü kinga lungshih tüsho Hamath lomi Ribla chingnü arü sheshih. Jumonü lomi bahbah Juda ramtso ching yü.

2 KIULONG THSÜRÜ 25:4

Judüki kiuto chipi ching ahopung thsakham; Kaldearünü kiuto mükamde zündodo she kiulongthsüpuh lung bonungrü alala kiulongthsüpuh shahwün ki, chipi mahne dükeak ripit chingnü tsoabah. Arünü Araba thrippeang yü.

2 KIULONG THSÜRÜ 25:5

Tüshe Kaldea bonungrünü kiulongthsüpuh müshamde yü, tüsho Jirikho dükhün chingnü api tholo; anihbuh bonungrü alalanü api bahbah hiumüzüt.

JEREMIA 13:19

Negeb kiutobo shenü mükhimshuhpü thsüde rihdoa lah; Juda alala ramtso ching lude tsodo, abümnü ramtso ching lude tsodo.

JEREMIA 16:16

Kheakü inü thüngüh-ramrü ahihdo yüshihchoh, Atungpuhnü thachoh, tüsho arünü arübo rambah; tüsho ju dunglim inü shihjimrü ahihdo yüshihbah, tüsho arünü arübo awungbo tüsho awung mujukbo tüsho lunghübo chingnü ajimbah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 39:9

Judüki aheangrü wühkenobuh Nebuzaradan nü kiuto ching aninga lakhi mihtsürü alala, api kilim shande arürübo Babilon ching rama lubah tso.

JEREMIA 52:15

Aheangrü wühkenobuh Nebuzaradannü zhochih traktrak mihtsürü khürü tüsho kiuto ching aninga larü mihtsürübo tüsho Babilon kiulongthsüpuh kilim tsorü, ju lung keaklahrü bebah ramtso ching yü.

JEREMIA 52:8

Tüshe Kaldearü bonungrübonü kiulongthsüpuh Zedekia yande müsham tüsho Jirikho dükhün chingnü Zedekia yanphuh; tüsho api bonungrü alalanü api bahbah hiumüzüt.

TÜZHOKHI 2:9

Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

TÜZHOKHI 4:15

Mihtsürübonü arü ki zhi, “Tsoabahang! Nüsa mümüsüh!” “Tsoabahang! Tsoabahang! Isa düqiu!” Küyimki arübo tsode tüsho rümde alakhea, trükshih bolung mihtsürübonü tha, “Arübo kheaküa ha ching mülakhuk.”

TÜZHOKHI 5:5

Isa müshamrübo isa lahzhi ki lah; isa khia lah, isa sühakhim müla.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;